ცოტა ხნის წინ რეჟისორ გრეტა გერვიგის ბარბის შემოსავალმა $1,34 მილიარდს გადააჭარბა. ამის გამო, ვარაუდობდნენ, რომ ის მალე სუპერ მარიოს პრემიერასაც აჯობებდა და წლის ყველაზე შემოსავლიანი ფილმი გახდებოდა და ასეც მოხდა. ბარბის შემოსავალმა $1,38 მილიარდს მიაღწია, რითაც მან სუპერ მარიოს $1,36 მილიარდს აჯობა.

ამასთან, ბარბის წყალობით აშშ-ში ფილმებიდან შესულმა თანხამ $4 მილიარდს გადააჭარბა, რაც პანდემიის შემდეგ ყველაზე მაღალი შედეგია. აშშ-ის კინოთეატრებს კოვიდის შემდეგ კრიზისი დაეწყოთ, რადგან ადამიანები კინოში სიარულს გადაეჩვივნენ და ფილმების სანახავად წასვლაში ფულს აღარ იხდიდნენ. შესაბამისად, წელს კინოთეატრების ამგვარ წარმატებას არავინ ელოდა, თუმცა "ბარბენჰაიმერის ფენომენმა" ეს მოახერხა.

ინდუსტრიაში ვარაუდობდნენ, რომ წლის ყველაზე შემოსავლიანი ფილმი სუპერ მარიო იქნებოდა, თუმცა ბარბიმ მათ იმედი გაუცრუა და მეორე ადგილზე გადაიყვანა, მესამეს კი, $853 მილიონით ნოლანის ოპენჰაიმერი იკავებს.

გრეტა გერვიგის ბარბის Warner Bros-ის ისტორიაში ყველაზე მასშტაბური პრემიერა ჰქონდა. მან ჰარი პოტერი და სიკვდილის საჩუქრების (ნაწილი მეორე) შემოსავალსაც კი გადაუსწრო.

ბარბი გამოსვლის დღიდან მსოფლიოს უდიდეს კინობაზრებზე კინოთეატრების სალაროებში გაყიდვებით პირველობას ინარჩუნებს. მედიაანალიტიკოს პოლ დერგარაბედიანის თქმით, ისტორიაში ამხელა შემოსავლისთვის მხოლოდ 50-მდე ფილმს მიუღწევია.

ბარბის პრემიერა 21 ივლისს შედგა და მაყურებლების მოლოდინიც გაამართლა. მისი გამოსვლიდან ორ დღეში ფილმის შემოსავალმა $155 მილიონი შეადგინა. გრეტა გერვიგის ბარბის ქალი რეჟისორების ფილმებიდან კომერციულად ყველაზე წარმატებული პრემიერა ჰქონდა.

ამავე თემაზე:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...