რა მოხდა: 6 მაისს, სოციალურ მედიაში გავრცელდა ვიდეოკადრები, რომელიც არასრულწლოვანის მიმართ სავარაუდო სექსუალური ხასიათის ქმედებას ასახავდა.

  • ბრალდებული ვანის რაიონის ერთ-ერთი სკოლის სამარშრუტო ტაქსის მძღოლი იყო, რომელიც მოსწავლეებს სიტყვიერად და ფიზიკურად ავიწროებდა.
  • კაცი იმ სკოლის დირექტორის ქმარია, სადაც ბავშვები სწავლობდნენ — მომხდარის შემდეგ ქალმა თანამდებობა მალევე დატოვა.

დეტალები: პროკურატურის ცნობით, დადასტურდა, რომ 28 აპრილს ბრალდებულმა, რომელსაც მიკროავტობუსით საჯარო სკოლის მოსწავლეები გადაჰყავდა, 16 წლის დაზარალებულის მიმართ სექსუალური ხასიათის სხვაგვარი ქმედების იძულება განახორციელა.

  • კაცს ბრალდება სსკ-ის 139-ე მუხლის მე-4 ნაწილის ბ ქვეპუნქტით წარედგინა.
  • ბრალდებულს 9 წლით და 6 თვით პატიმრობა მიესაჯა.