ტეილორ სვიფტმა მსოფლიო ტურნე მარტში დაიწყო და აშშ-ში უკვე დაამთავრა კიდეც. ფანები და მედია ვარაუდობდნენ, რომ პოპვარსკვლავი ტურის დოკუმენტურ ფილმს გამოუშვებდა და ასეც მოხდა — სვიფტმა ფანებისთვის, რომელთაც ტურზე წასვლა ვერ შეძლეს ან ამ გამოცდილების გამეორება სურთ, ერას ტურის დოკუმენტური ფილმის პრემიერა დააანონსა, რომლის ნახვაც ჩრდილოეთ ამერიკის კინოთეატრებში მაყურებელს 13 ოქტომბრიდან შეეძლება.

"ერას ტური ყველაზე მნიშვნელოვანი და საოცარი გამოცდილებაა, რაც კი ცხოვრებაში მქონია და სიხარულით გატყობინებთ, რომ მალე მას დიდ ეკრანზე იხილავთ. 13 ოქტომბრიდან ერას ტურის ნახვას დიდ ეკრანებზე შეძლებთ!" — წერს ტეილორი.

ფანები უკვე გეგმავენ, როგორ გამოეწყობიან ფილმის პრემიერაზე ტეილორის რომელიმე ცნობილი ჩაცმულობის მსგავსად და ასევე, სამაჯურებს გაცვლიან, როგორც ამას კონცერტზე აკეთებდნენ. ფილმის ნახვა მექსიკაში, კანადასა და აშშ-ის კინოთეატრებში იქნება ხელმისაწვდომი. კინოს ბილეთების გაყიდვა უკვე დაიწყო.

ცნობილმა მომღერალმა რამდენიმეწლიანი პაუზის შემდეგ მუსიკალური ტურნე მარტში წამოიწყო. ის ამჟამად ტურს სამხრეთ ამერიკაში აგრძელებს. ტურნე, სახელად The Eras Tour, მსოფლიო მასშტაბით 2024 წლის ჩათვლით გაგრძელდება.

იხილეთ ასევე:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...