კალაძემ დედაქალაქის მთავრობის სხდომაზე საუბარი ამ საკითხზე დაიწყო და თქვა, რომ "ასეთი უხვი ნალექი ქალაქს არ ახსოვს", თუმცა მას შესაბამისი სამსახურები მობილიზებულები დახვდნენ.

  • მან გარემოს ეროვნული სააგენტოს წინასწარ მონაცემებზე ისაუბრა და აპელირებს იმაზე, რომ სააგენტოს განცხადებით, წუხანდელმა სამი საათის განმავლობაში მოსულმა ნალექების რაოდენობამ ორჯერ გადააჭარმა 2015 წლის 13 ივნისს 6 საათის მანძილზე მოსულ ნალექს.
  • შემდეგ კი მიმოიხილა პრობლემებზე, რაც ნალექმა ქალაქში შექმნა.
  • ახსენა, რომ რამდენიმე ადგილას წაიქცა ხე, რამაც ელექტროსადენები დააზიანა. ასევე, რამდენიმე ფერდზე დაფიქსირდა ქვათაცვენა, მათ შორის, ჭაბუა ამირეჯიბის ქუჩაზე არსებულ პრობლემურ მონაკვეთზე.
  • გარდა ამისა, მცირე ქვათაცვენა იყო თამარაშვილის ქუჩაზა და მარშალ გელოვანისა და მაჭავარიანის დამაკავშირებელ გზაზე ფერდობიდან.
  • კალაძის განცხადებით, გზა უკვე გაწმენდილი, გადაადგილება კი შესაძლებელია.
  • რაც შეეხება მიწისქვეშა გადასასვლელებს, როგორც მან თქვა, მიწისქვეშა კომუნიკაციების პრობლემა ნამდვილად არის, შემდეგ კი აჩვენა ფოტოები, სადაც კალაძის განცხადებით, ჩანს, როგორ არის სანიაღვრე სისტემა ნაგვით გადავსებული.
  • "ეს არის კონკრეტული მაგალითი, თუ რამდენი ნაგავი იყო გადაფარებული სანიაღვრე წყაურებზე, რაც რა თქმა უნდა, ძალიან დიდ პრობლემას ქმნიდა".

ძლიერმა წვიმამ გუშინ განსაკუთრებული პრობლემები შექმნა გლდანის, საბურთალოს, სამგორისა და დიდუბის რაიონებში.

  • დაიტბორა სახლები, სარდაფები, ლიფტები, მიწისქვეშა გადასასვლებები, გავრცელებულ ვიდეოებში ჩანდა, როგორ ჩადიოდა წყალი მეტროს ვაგონებში. წაიქცა ხეები და დაზიანდა ელექტროსადენები.
  • ძლიერი წვიმის შედეგად წყალი თბილისის აეროპორტშიც ჩავიდა.
  • მერია მოსახლეობას ურჩევდა, თავი შეიკავებინათ ქუჩაში გადაადგილებისგან.
  • გუშინ კიდევ ერთხელ მოვისმინეთ არაერთი მოქალაქის პროტესტი, რომ დედაქალაქში სანიაღვრე სისტემა გამართული არ არის.