22 წლის ფრენკმა და 19 წლის ვიქტორიამ, რომელიც აშშ-ში ოჯახმა სხვადასხვა დროს იშვილა, თავიანთი ბიოლოგიური მშობლების პოვნა გადაწყვიტეს. და-ძმამ დნმ-ის ტესტი ჩაიტარა და აღმოაჩინა, რომ ბიოლოგიურადაც და-ძმა არიან.

ანჯელამ და დენისმა ფრენკი 2002 წელს იშვილეს. ცოლ-ქმარმა პატარა ფრენკი საბავშვო ბაღის კიბეებზე დაინახა, რის შემდეგაც ანჯელამ და დენისმა დაგაწყვიტეს, რომ მისი მშობლები გამხდარიყვნენ. ვიქტორია 2004 წელს რიჩმონდის უნივერსიტეტის სამედიცინო ცენტრის აბაზანაში მედდამ იპოვა, მოგვიანებით კი, ბავშვი ანჯელასა და ფრენკის ოჯახში მოხვდა.

"დნმ-ის ტესტის ჩატარების შემდეგ აღმოვაჩინე, რომ ჩემი ძმა ჩემი ბიოლოგიური ძმაც ყოფილა, ეს სრული სიგიჟეა და საერთოდ არ ველოდი", — ამბობს ვიქტორია. ფრენკის თქმით კი, მთელი ცხოვრება თვლიდა, რომ ვიქტორია მისი სისხლი და ხორცია.

ცოტა ხნის წინ და-ძმა საავადმყოფოში მივიდა და იმ ადამიანებს მადლობა გადაუხადა, რომლებმაც მათ პოვნასა და გაშვილებაში მონაწილეობა მიიღეს.