10 ვარსკვლავი, რომელზეც შეიძლება არ იცოდი, რომ ავტომოყვარულია
ცნობილი ადამიანების პროფესიული თუ პირადი ცხოვრება საზოგადოების ყურადღების ცენტრში ხშირად ხვდება, თუმცა, მათ გატაცებებზე ცოტამ თუ იცის. აი, მაგალითად, რომელი მანქანები უყვართ. არადა, ბევრი ვარსკვლავი დიდი ავტომოყვარულიც გახლავთ და შთამბეჭდავ კოლექციასაც ფლობს. ამ სტატიაში რამდენიმე მათგანზე მოგიყვებით.
1. ლედი გაგა
ლედი გაგა, რომელმაც 2000-იანების პოპკულტურაში დიდი გარდატეხა მოახდინა, ხშირად ასოცირდება არაორდინალურ ჩაცმულობასთან და ორიგინალურ სასცენო გამოსვლებთან. თუმცა, ცოტამ თუ იცის, რომ პოპვარსკვლავის ერთ-ერთი გატაცება ავტომობილებია — მეტიც მუსიკოსის ავტოფარეხში 20-მდე სხვადასხვა სტილის მანქანას შეხვდებით.
მაგალითისთვის, მუსიკოსს ჰყავს ისეთი სუპერმანქანები, როგორებიცაა Audi R8 და Lamborghini Huracan. ამასთან, მის მფლობელობაშია კლასიკური ავტომობილებიც: 1993 წლის გამოშვება Ford F-150 და 1967 წლის გამოშვება Ford Bronco.
2. ბილი აილიში
ასაკის მიუხედავად, ბილი აილიშის ქონება შთამბეჭდავად გამოიყურება. ეს კი გასაკვირი არაა, თუ გავითვალისწინებთ, რომ იგი თანამედროვეობის ერთ-ერთი ყველაზე პოპულარული შემსრულებელია. მუსიკის გარდა, აილიში ადრეული ასაკიდანვე ამჟღავნებდა ინტერესს მანქანების მიმართ. ასე რომ, დღეს მის მფლობელობაშიც გასაოცარი კოლექციაა. მათგან ერთ-ერთი გამორჩეული 2021 წლის გამოშვება Dodge Challenger გახლავთ, რომელიც პოპვარსკვლავის საოცნებო მანქანა იყო ბავშვობაში. ბილიმ მას მეტსახელად "ბეიბი მამაც" კი შეარქვა.
აილიშის ავტოკოლექციიდან ყველაზე ძვირადღირებული მანქანა კი McLaren 720S არის, რომელიც $300 ათასად არის შეფასებული. თუმცა, მუსიკოსს ეკლექტური გემოვნება აქვს და სუპერმანქანების გარდა, სხვადასხვა სტილის არაერთი ავტომობილიც ჰყავს.
3. ტეილორ სვიფტი
აი, კიდევ ერთი პოპვარსკვლავი, რომელიც დიდი ავტომოყვარული ბრძანდება. თუმცა, სვიფტის მანქანებისადმი სიყვარული მისი ფანებისთვის უცნობი არ უნდა იყოს — მომღერალმა ხომ ჯერ კიდევ 18 წლის იუბილეზე საკუთარ თავს საჩუქარი გაუკეთა და V8 Chevrolet Silverado შეიძინა. მას შემდეგ კი ტეილორის ავტოკოლექცია თვალშისაცემად გაიზარდა; მუსიკოსმა კოლექციას შემატა როგორც პრაქტიკული მანქანები (Mercedes-Benz Viano და Toyota Sequoia SUV), ასევე ეგზოტიკური სწრაფმავლები (Audi R8 და Porsche 911 Turbo).
4. ბიონსე
ბიონსე ჩვენი დროის ერთ-ერთ ყველაზე მაღალანაზღაურებად მომღერლად მიიჩნევა, რომლის ქონებაც რამდენიმე ასეულ მილიონს ითვლის. ამდენად, გასაკვირი არაა, რომ მუსიკოსის ავტოკოლექციაც ძვირადღირებული მანქანებითაა შევსებული. როგორც ცნობილია, ბიონსესა და მისი ქმრის, რეპერ Jay-Z-ის, საერთო ავტოკოლექციის ღირებულება ჯამში $13 მილიონს აღწევს.
Mercedes-Benz S-Class, Maybach, Cadillac Escalade და $1-მილიონიანი Rolls-Royce Silver Cloud II — ეს შემსრულებლის მფლობელობაში მყოფი მანქანების მხოლოდ მცირე ჩამონათვალია. თუმცა, ბიონსე სპორტული მანქანებითაც ყოფილა გატაცებული, რადგან მის ავტოკოლექციაში ასევე შეხვდებით Tesla Model S-ს, Ferrari 458-სა და Lamborghini Huracan-ს.
5. ელენ დეჯენერესი
ამერიკელი კომიკოსისა და ტელეწამყვანის პარტნიორს პორშა დე როსი ჰქვია და არსებობს თეორია, რომ დეჯენერესის სიყვარული პორშეს მანქანების მიმართ სწორედ ამას უკავშირდება. ყოველ შემთხვევაში, მის ავტოკოლექციაში ყველაზე მეტი მანქანა სწორედ ამ ცნობილი ბრენდის გამოშვებულია. მათ შორისაა Panamera, 911 Turbo S, 911 Targa 4s Heritage და 911 Carrera S.
თუმცა, დეჯენერესს ასევე ჰყავს სხვა სწრაფი მანქანებიც, მაგალითად, Ferrari California და Mercedes AMG GT.
6. როუენ ატკინსონი
კიდევ ერთ კომიკოსს, რომელსაც მსოფლიოში მისტერ ბინის სახელითაც იცნობენ, ასევე მრავალფეროვანი ავტომობილების კოლექცია ჰყავს. მათგან ყველაზე შთამბეჭდავი McLaren F1 იყო, რომელიც ორჯერ დაზიანების შემდეგ მსახიობმა $8 მილიონად გაყიდა. თუმცა, ატკინსონს ჯერ კიდევ ჰყავს Aston Martin V8 Zagato, Mercedes-Benz SLS AMG, Aston Martin Vantage, Lancia Thema 8.32 Series 1, Honda NSX, Lancia Delta HF Integrale და კიდევ სხვა მრავალი. კოლექცია იმდენ მანქანას მოიცავს, რომ, გავრცელებული ცნობით, ატკინსონს მათ დასატევად ცალკე სახლის აშენებაც სურს.
7. გალ გადოთი
DC-ის Wonder Woman-ში მონაწილეობის შემდეგ, ისრაელელი მსახიობი ჰოლივუდის ამომავალ ვარსკვლავად და ერთ-ერთ ყველაზე მაღალანაზღაურებად შემსრულებლად იქცა. ამან კი გადოთს, რომელიც ყოველთვის გამოირჩეოდა მანქანებისადმი განსაკუთრებული ინტერესით, თავისი ოცნებების ასრულების საშუალება მისცა. ახდენილი ოცნებების კოლექცია კი დღეს ისეთ შთამბეჭდავ ავტომობილებს მოიცავს, როგორებიცაა Jaguar F-Type, BMW X5M, Tesla Model X, Cadillac Escalade, Range Rover SVA, Porsche 718 და Nissan 370Z AE P.
8. სერენა უილიამსი
მართალია, სერენა უილიამსმა აქტიურ სპორტულ კარიერას უკვე თავი დაანება, თუმცა, ამან ყველა დროის ერთ-ერთ ყველაზე წარმატებულ ჩოგბურთელ ქალს შესაძლებლობა მისცა, სხვადასხვა ჰობისთვის მეტი დრო დაეთმო. უილიამსის ერთ-ერთი ყველაზე დიდი ჰობი კი ავტომობილების შეგროვება და ტარებაა. მის მდიდრულ კოლექციაში შეხვდებით Bentley Continental GT-ს, Mercedes G Wagon-ს და Lincoln Navigator-ს. თუმცა, რამდენადაც უნდა გიყვარდეს სწრაფი მანქანები, ზომიერების დაცვა აუცილებელია — სწორედ ამიტომ, 2017 წელს უილიამსი პოლიციის ხელში აღმოჩნდა სიჩქარის გადაჭარბების გამო.
9. არნოლდ შვარცენეგერი
წესით, ტერმინატორის განსაკუთრებული ინტერესი ავტომობილების მიმართ გასაკვირი არც უნდა იყოს. მსახიობისა და პოლიტიკოსის ავტოკოლექცია ათზე მეტ მანქანას მოიცავს, რომელთა შორისაც გამორჩეული ადგილი უკავია ვინტაჟური სტილის Excalibur-ს. მისი ფასი $89 ათასს აღწევს. გარდა ამისა, შვარცენეგერს ჰყავს Porsche 997 Turbo Cabriolet, ორი Bentley Continental და საგანგებოდ მისთვის დამზადებული Audi R8-ც. სხვათა შორის, მის მფლობელობაში ასევეა ტანკი — ნამდვილი საბრძოლო მანქანა M47 Patton.
10. კრიშტიანუ რონალდუ
შვარცენეგერის არ იყოს, ამ ჩამონათვალში არც რონალდუს დანახვა უნდა იყოს მაინცდამაინც გასაკვირი. თუმცა, მსგავს სიაში ვერაფრით გამოვტოვებდით ყველა დროის ერთ-ერთ ყველაზე ცნობილ ავტომოყვარულს, რომლის კოლექციაც უამრავ ძვირადღირებულ სწრაფმავალს (და არა მხოლოდ) უყრის თავს. პორტუგალიელ სპორტსმენს ჰყავს Bugatti Chiron, Aston Martin DB9 და Rolls Royce Phantom (რომლის ღირებულებაც თითქმის მილიონ დოლარს აღწევს). რონალდუს კოლექციაში ასევე შევხვდებით Lamborghini Aventador LP-ს და Ferrari F12 TDF-ის მოდელს ლიმიტირებული გამოშვებიდან (საწყისი ღირებულებით $620 ათასი).
თუკი შენც გულმხურვალე ავტომოყვარული ხარ, გეცოდინება, რამდენად მნიშვნელოვანია ნებისმიერი მანქანისთვის ზრუნვა, სათანადო დროისა და ყურადღების დათმობა. სწორედ ამისთვის არსებობს ავტომომსახურების ქართული სერვისი ვუვლი, რომელიც საშუალებას გაძლევს, საჭიროების შემთხვევაში ავტოექსპერტი დისტანციურად გამოიძახო და მანქანის შეკეთებაზე ზრუნვაც მას გადააბარო. ეს ციფრული პლატფორმა შენი მანქანის ყველა საჭიროებას ერთ სივრცეში უყრის თავს და სწრაფ, ხარისხიან და სანდო მომსახურებას გთავაზობს.
-
-
გადახედვასაპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას საპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას
-
გადახედვარამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას რამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას
-
გადახედვაპარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება პარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება
-
გადახედვასაქართველოს დასავლური კურსი საფრთხეშია — აშშ-ის სახელმწიფო დეპარტამენტი საქართველოს დასავლური კურსი საფრთხეშია — აშშ-ის სახელმწიფო დეპარტამენტი
-
გადახედვარა ვიცით თვალის არეში დაჭრილი ახალგაზრდა კაცის მდგომარეობაზე რა ვიცით თვალის არეში დაჭრილი ახალგაზრდა კაცის მდგომარეობაზე
-
გადახედვააქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო აქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო
-
გადახედვაახალგაზრდა კაცი თვალის არეშია დაჭრილი სავარაუდოდ, რეზინის ტყვიით ახალგაზრდა კაცი თვალის არეშია დაჭრილი სავარაუდოდ, რეზინის ტყვიით
-
გადახედვამოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია მოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია
-
გადახედვამოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე მოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე
-
გადახედვაპარლამენტში უსაფრთხოების წითელი დონე ამოქმედდა პარლამენტში უსაფრთხოების წითელი დონე ამოქმედდა
-
გადახედვამამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია მამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია
-
გადახედვა"მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი "მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი
-
გადახედვაფოტოებში: აქციაზე დაშავებული მშვიდობიანი დემონსტრანტები ფოტოებში: აქციაზე დაშავებული მშვიდობიანი დემონსტრანტები
-
გადახედვავითარება რუსთაველზე — ვრცელდება ინფორმაცია რეზინის ტყვიების გამოყენების შესახებ ვითარება რუსთაველზე — ვრცელდება ინფორმაცია რეზინის ტყვიების გამოყენების შესახებ
-
გადახედვაშსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით შსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით
-
გადახედვააქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს აქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს
-
-
გადახედვამამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება მამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება
-
-
გადახედვა"დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება "დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება
კომენტარები