2 ივლისის საღამოს თბილისში, ელიავას ბაზრობის ტერიტორიაზე ხანძარი გაჩნდა. შინაგან საქმეთა სამინისტროს ინფორმაციით, შეტყობინების მიღებისთანავე, შინაგან საქმეთა სამინისტროს საგანგებო სიტუაციების მართვის სააგენტოს სახანძრო-სამაშველო ჯგუფები ოპერატიულად გავიდნენ შემთხვევის ადგილზე. 2500 კვადრატულ მეტრზე გავრცელებული ხანძრის ჩასაქრობად 30-მდე სახანძრო-სამაშველო ჯგუფი და 150-მდე მეხანძრე-მაშველი მუშაობდა.

ხანძარი ელიავას ბაზრობაზე, თბილისი. 2 ივლისი, 2017.

ფოტო: მარი ნიკურაძე / OC-Media

უწყების ინფორმაციით, ხანძარი ლოკალიზებულია. ამჟამად მიმდინარეობს მისი სალიკვიდაციო სამუშაოები.

აღნიშნულ ფაქტზე გამოძიება შსს-ს პოლიციის დეპარტამენტის დეტექტივების სამმართველომ სსკ-ს 187-ე მუხლით დაიწყო.

ხანძარი ელიავას ბაზრობაზე, თბილისი. 2 ივლისი, 2017.

ფოტო: მარი ნიკურაძე / OC-Media

ხანძარი ელიავას ბაზრობაზე, თბილისი. 2 ივლისი, 2017.

ფოტო: მარი ნიკურაძე / OC-Media

თბილისის ვიცე-მერმა, ლაშა აბაშიძემ თქვა, რომ ხანძრის შედეგად მსუბუქად დაშავდა ერთი ადამიანი. ცეცხლი ავტონაწილების მაღაზიებს წაეკიდა. სავარაუდო ზარალს გამოძიება მოგვიანებით დაადგენს. ტერიტორიას ამ დროისათვის იცავს პოლიცია.