102 წლის პეგი კონზაკი უკვე 50 წელზე მეტია, რაც ბავშვებს ცურვას ასწავლის. ორეგონის შტატში მცხოვრები პეგი ამბობს, რომ ახლო მომავალში სამსახურისთვის თავის დანებებას სულაც არ გეგმავს და სანამ შეუძლია, პატარებისთვის ცურვის კურსების ჩატარებას განაგრძობს.

როგორც პეგი აღნიშნავს, ახალგაზრდობაში ცურვის მასწავლებლობაზე არასდროს უფიქრია. ის ადრეულ ასაკში დაქორწინდა და ორ შვილს ზრდიდა, პარალელურად კი თმის სტილისტობა გადაწყვიტა.

ფოტო: People

დიდი ხნის შემდეგ კი, როცა პეგი 45 წლის იყო, გაიგო, რომ ადგილობრივ აუზზე ბავშვებისთვის ცურვის მასწავლებელს ეძებდნენ. აუზის დირექტორს სამსახურში პეგის მიღება ასაკის გამო არ სურდა, თან ან პროფესიაში არც გამოცდილება ჰქონდა. პეგიმ მალევე შეძლო ცურვის მასწავლებლისთვის საჭირო სერტიფიკატის აღება და ყველას დაუმტკიცა, რომ ამ სამსახურისთვის ყველაზე შესაფერისი კანდიდატი იყო.

"ეს ყველაფერი ძალიან მაბედნიერებს. მიხარია, რომ პატარებთან და ჩვილებთან ვმუშაობ და ასევე, მათ მშობლებთან ურთიერთობაც ძალიან მსიამოვნებს", — ამბობს პეგი. გარდა ამისა, 102 წლის მასწავლებელმა ისიც აღნიშნა, რომ ცურვა და აქტიური ცხოვრება მისი ჯანმრთელობის საიდუმლოა.