ფანები ირლანდიაში, შინეიდ ო'კონორის მშობლიურ ქალაქ ბრეიში, მისი დაკრძალვისთვის ჩავიდნენ. ლეგენდარული ირლანდიელი მუსიკოსი 26 ივლისს 56 წლის ასაკში გარდაიცვალა. მისი გარდაცვალების მიზეზი ჯერჯერობით უცნობია.

ო'კონორის ოჯახის თქმით, შინეიდის პროცესიაში მისი ფანების მონაწილეობით უნდოდათ, მომღერლის მიმართ სიყვარული გამოეხატათ. ფანებმა ო'კონორის სახლთან ხელნაწერი ფურცლები დატოვეს, რომლებშიც ისინი მომღერალს მადლობას არამხოლოდ სიმღერებისთვის, არამედ საზოგადოების სხვადასხვა ჯგუფის მხარდაჭერისა და პოზიციის მკაფიოდ დაფიქსირებისთვის უხდიდნენ.

ფოტო: NBC News

დუბლინელმა ო'კონორმა მუსიკალური კარიერა 1980-იანი წლების მეორე ნახევარში დაიწყო, როცა სადებიუტო ალბომი The Lion and the Cobra გამოუშვა. ალბომი არაერთი ქვეყნის ჩარტებში აღმოჩნდა. არანაკლებ წარმატებული გამოდგა 1990 წელს გამოშვებული მეორე სტუდიური ალბომი I Do Not Want What I Haven't Got, რომლის შვიდ მილიონზე მეტი ასლი გაიყიდა მსოფლიოში. ერთ-ერთი სინგლი ალბომიდან — Nothing Compares 2 U — რომელიც პრინსის დაწერილია, მოგვიანებით ნამდვილი ჰიტი გახდა. ბილბორდის მუსიკალურ დაჯილდოებაზე სიმღერა წლის #1 მსოფლიო სინგლად დასახელდა.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...