პრემიერ-მინისტრმა გიორგი კვირიკაშვილმა ქართული ოცნების თბილისის მერობის კანდიდატი კახა კალაძე ოფიციალურად წარადგინა და სიტყვით გამოსვლისას თქვა, რომ ის იქნება გამორჩეული და ყველაზე წარმატებული მერი. პრემიერი დარწმუნებულია, რომ კალაძე თავისი თანამედროვე მიდგომებით, "ხელს დაატყობს" თბილისელების ცხოვრებას:

"კახის ყველაზე კარგად ესმის რთულად, შრომით მოპოვებული გამარჯვების ფასი, მაგრამ მე იმაშიც დარწმუნებული ვარ, რომ ეს არ იქნება რთული გამარჯვება.

მე მინდა წარმატება ვუსურვო კახის და დარწმუნებული ვარ, ეს არჩევნებში, სადაც ჩვენს პარტიას, ქართულ ოცნებას, აქვს საფუძვლიანი იმედი, ძალიან მყარი გამარჯვების, იქნება საუკეთესო, ჩვენი ქალაქისთვის".

დღეს, პირველ ივლისს, ქართული ოცნების პოლიტსაბჭოს წევრებმა ერთხმად დაუჭირეს მხარი ვიცე-პრემიერ კახა კალაძის კანდიდატურას, თბილსიის მერის არჩევნებისთვის.