ცნობილი ბრიტანელი მოდელი, მსახიობი და მომღერალი ჯეინ ბირკინი 16 ივლისს 76 წლის ასაკში გარდაიცვალა. მიუხედავად იმისა, რომ იგი წარმოშობით ინგლისიდან იყო, ჯეინს საფრანგეთი განსაკუთრებულად უყვარდა და 60-იანი წლებიდან პარიზში ცხოვრობდა. მას ფრანგული სტილის შემქმნელსაც კი უწოდებდნენ.

ამ სტატიაში კი ჯეინის ცხოვრებიდან რამდენიმე მნიშვნელოვან ფოტოს გთავაზობთ:

ჯეინ ბირკინი 1964 წლის 11 სექტემბერს გრეჰემ გრინის სპექტაკლში ქანდაკების კვეთა.

ფოტო: Mirrorpix/Getty Images

ბირკინმა კარიერა თინეიჯერობის პერიოდში ლონდონში დაიწყო, 1965 წელს კი კომპოზიტორ ჯონ ბერის გაჰყვა ცოლად. მასთან განქორწინების შემდეგ, 1968 წელს, ჯეინმა საფრანგეთში ფილმ სლოგანში ითამაშა, რა დროსაც ფრანგი მსახიობი და მომღერალი სერჟ გინსბურგი გაიცნო, რომელთან ერთადაც 12 წელი გაატარა.

ჯეინ ბირკინი და სერჟ გინსბურგი 1969 წელს პარიზში.

ფოტო: Getty Images

ბირკინს ორივე პარტნიორისგან გოგოები, ქეით ბერი და და შარლოტა გინსბურგი, შეეძინა.

ჯეინ ბერკინი და სერჟ გინსბურგი, შვილებთან — შარლოტასა (მარცხნივ) და ქეითთან (მარჯვნივ) ერთად.

წყვილი ერთმანეთს 1980 წელს დაშორდა, თუმცა ისინი პროფესიულ თანამშრომლობას მთელი ცხოვრების განმავლობაში აგრძელებდნენ და მეგობრებად რჩებოდნენ. ამის შემდეგ, ჯეინმა რეჟისორი ჟაკ დოილონი გაიცნო, რომელთანაც 13 წელი გაატარა და შვილი, ლუ შეეძინა.

მსახიობი ჯეინ ბირკინი და რეჟისორი ჟაკ დოილონი 1981 წელს.

ფოტო: Getty Images

ჯეინმა კარიერის განმავლობაში დაახლოებით 65-მდე ფილმში ითამაშა და 20-ზე მეტი მუსიკალური ალბომი გამოუშვა.

ჯეინ ბირკინი მუსიკოს და მსახიობ გაი მარჩანდთან ერთად, 1982 წელი.

ფოტო: Getty Images

ბირკინი თავის პლატფორმას აქტივიზმისთვისაც იყენებდა და ხშირად საუბრობდა ოჯახში ძალადობაზე, ქალთა უფლებებსა თუ ცხოველების ჩაგვრაზე.

ჯეინ ბირკინის საჯარო გამოსვლა 2006 წელს პარიზში, ნოტრ-დამის წინ, რუსეთში ჟურნალისტ ანა პოლიტკოვსკაიას სიკვდილიდან რამდენიმე დღის შემდეგ

ფოტო: Getty Images

ჯეინის ერთ-ერთი ბოლო საჯარო გამოჩენა 2023 Cesar-ის დაჯილდოება იყო, სადაც ის თავის შვილ შარლოტასთან და შვილიშვილ ალისა ატტალთან ერთად მივიდა. გინსბურგმა დედაზე დოკუმენტური ფილმი გადაიღო, რომელიც დაჯილდოებაზე საუკეთესო დოკუმენტური კინოს კატეგორიაში იყო ნომინირებული. შარლოტას თქმით, უნდოდა, ფილმში აღებეჭდა არა 70-80-იანი წლების არქივები და როგორი იყო ჯეინი იმ პერიოდში, არამედ მისი ამჟამინდელი რეალობა და ის გზა, რომელიც მან გაიარა.

ჯეინ ბირკინი, შარლოტა გინსბურგი და ალისა ატტალი 2023 წლის 24 თებერვალს პარიზში, Cesar-ის დაჯილდოებაზე.

ფოტო: Getty Images