გადაწყვეტილება საქალაქო სასამართლომ მიიღო. ინფორმაციას საზოგადოებრივი მაუწყებელი ავრცელებს.

დეტალები: 6 წლის ვადით თავისუფლების აღკვეთა მიესაჯა ლაშა ფურცხვანიძეს, 4 წლით — გიორგი გობეჯიშვილს.

  • 3 წლითა და 6 თვით — ნუგზარ ქიტიაშვილსა და დავით თუშიშვილს, ხოლო ლაშა ჭიღიტაშვილს, დევი კახოიძეს, გიორგი ვახტანგიშვილსა და ბექა მურღვლიანს სასამართლომ 3-3 წელი მიუსაჯა.
  • გამართლდა მხოლოდ ერთი პირი — ვალერი გობეჯიშვილი.

ვაკის პარკის საქმე: 2022 13 ოქტომბერს ვაკის პარკის შადრევანში ჩასულ ბავშვებს დენმა დაარტყა. 13 წლის მოზარდი, მარიტა მეფარიშვილი გარდაიცვალა, ხოლო 2 ბავშვი დაშავდა.

  • შადრევანი მერიამ წინა დღეს, 12 ოქტომბერს ოფიციალურად გახსნა — სარეაბილიტაციო სამუშაოებს კომპანია გრინსერვისი+ ასრულებდა.
  • პროკურატურას ბრალი 9 პირისთვის, მათ შორის, გარემოს დაცვის საქალაქო სამსახურის ყოფილ უფროსისთვის ჰქონდა წარდგენილი — მას სამსახურებრივ გულგრილობას ედავებოდნენ.
  • ასევე, ბრალი ჰქონდათ წაყენებული კომპანიის სამუშაოთმწაროებელს და 1 თანამშრომელს — ყალბი დოკუმენტაციის დამზადებასა და გულგრილობაზე, რამაც სიცოცხლის მოსპობა გამოიწვია.
  • გრინსერვისი+-ის დამფუძნებლის, ლაშა ფურცხვანიძის წინააღმდეგ, 2013 წელს სამეწარმეო საქმიანობაში უკანონო მონაწილეობის და უკანონო შემოსავლის ლეგალიზაციის საქმეზე გამოძიება მიმდინარეობდა.
  • შადრევნის ოფიციალურად დოკუმენტაციაში წერია, რომ გრინსერვისი+-მა ჩააბარა, ხოლო მერიის გარემოს დაცვის საქალაქო სამსახურმა მიიღო მშენექსპერტის ინსპექტირების ანგარიშით დადასტურებული შადრევნისა და კასკადის სარეაბილიტაციო სამუშაოები — თუმცა უსაფრთხოების დასკვნა ნახსენები არ არის.
  • გამოძიების თანახმად, ლაშა ფურცხვანიძემ შესრულებული სამუშაო შესაბამისი ინსპექტირების ჩატარების გარეშე წარუდგინა მერიის საქალაქო სამსახურს, ხოლო გარემოს დაცვის სამსახურის უფროსის მოადგილემ მიიღო შესაბამისი ინსპექტირების გარეშე.