ქართულ ბაზარზე DJI Agras T40 გამოჩნდა, უახლესი აგრო-დრონი, რომელიც მნიშვნელოვნად განსხვავდება მისი წინამორბედებისგან. ავზების გაზრდილი მოცულობა, შესხურებისა და გაფრქვევის დახვეწილი სისტემები, გაძლიერებული დაცვა, რუკების გენერირების ფუნქცია რეალურ დროში, მარტივად მანევრირების შესაძლებლობები — ეს მხოლოდ ნაწილია იმისა, რაც DJI Agras T40 ფერმერებს სთავაზობს. სწორედ ამ მახასიათებლების მეშვეობით სასოფლო-სამეურნეო კულტურების შეწამვლა თუ სასუქების გაფანტვა გაცილებით იოლდება, იზრდება შესრულებული სამუშაოს ხარისხი და წარმოუდგენლად მცირდება მისი შესრულებისთვის საჭირო დრო.

მაინც როგორია აგრო-დრონი DJI Agras T40-ს გაუმჯობესებული ფუნქციები და რა რევოლუციური მახასიათებლებით გამოირჩევა ის? — ამ კითხვებზე პასუხს სტატიიდან გაიგებთ

შესხურებისა და გაფანტვის ფუნქციების გაზრდილი შესაძლებლობები

სანამ უშუალოდ შესხურებისა და გამფანტველი სისტემების შეფასებაზე გადავალთ, უნდა აღვნიშნოთ, რომ DJI Agras T40 უძლებს უპრეცედენტოდ დიდ დატვირთვას. მას შეუძლია შესხურების რეჟიმში მუშაობისას 40 კგ-ით იფრინოს, გაფანტვის რეჟიმის შემთხვევაში კი 50 კგ-ით. გაზრდილი ტვირთამწეობა მისი ინოვაციური კოაქსიალური ორმაგი როტორისა და ფრთების გაზრდილი ზომების დამსახურებაა.

DJI Agras T40 აღჭურვილია ინოვაციური ტუმბოებით, რომლებსაც შესხურების რეჟიმის დროს შეუძლია წუთში 12 ლიტრი სითხე გააფრქვიოს. ამასთან ერთად, დრონს გააჩნია ორმაგი ატომიზაციის შემასხურებელი სისტემა, რომელიც წვეთებს თანაბარ ზომებად შლის და პრეპარატის უფრო ეფექტიანად გამოყენებას უზრუნველყოფს. DJI Agras T40-ის ავზი იზოლირებულია სხვა დეტალებისგან, რაც იცავს დრონს კოროზიისა და დაზიანებისგან. მას, ასევე, გააჩნია მაღალტექნოლოგიური ცენტრიდანული სარქველი, რომელიც გამორიცხავს სითხის გაჟონვას.

DJI Agras T40-ს კიდევ ერთი უპირატესობა, სხვა აგრო-დრონებისგან განსხვავებით, წონის სენსორია, რომელიც აკონტროლებს ავზში დარჩენილი სასუქებისა თუ პრეპარატების რაოდენობას და მონაცემებს პილოტს რეალურ დროში აწვდის. ამგვარ მონაცემებზე ხელმისაწვდომობა, პილოტს პროცესზე მეტ კონტროლს აძლევს და მის ეფექტიანად წარმართვაში ეხმარება.

ამ და სხვა მონაცემების წყალობით, დრონს შეუძლია საათში 1.5 ტონა სასუქი გაფანტოს, დაფაროს 21.3 ჰექტარი ტერიტორია მინდვრის კულტურების, ხოლო 4 ჰექტარი ხეხილის ბაღების შემთხვევაში.

360 გრადუსიანი რადარი, რუკების გენერირება რეალურ დროში და მოქნილი მართვის პულტი

DJI Agras T40 აღჭურვილია APAR-ის, იგივე აქტიური ფაზური სიხშირის რადარითა და Binocular Vision-ით, რომლებიც დრონს შეჯახებებისგან საიმედოდ იცავს. მათი მეშვეობით ის 50 მეტრიდანვე აფიქსირებს ბარიერებს და მარტივად უვლის გვერდს მათ.

DJI Agras T40 იღებს მაღალი გარჩევადობის ფოტოებს პილოტისთვის მოსახერხებელი ნებისმიერი კუთხიდან. ისინი დისტანციური მართვის პულტის ეკრანზე რეალურ დროში აისახება. აგრო-დრონს, ასევე, შეუძლია დააგენერიროს რუკები და უმოკლეს დროში მიაწოდოს ის პილოტს. რუკებისა და ფოტოების მეშვეობით პილოტი სრულ კონტროლს იღებს პროცესზე, ეძლევა შესაძლებლობა ნებისმიერი დროს შეცვალოს მარშრუტი და მინიმუმამდე დაიყვანოს დრონის არაეფექტიანი ფრენის მანძილი. აღსანიშნავია ისიც, რომ ამ ოპერაციების შესრულება ოფლაინ რეჟიმში, ინტერნეტის გარეშეც შესაძლებელია.

DJI Agras T40 ქართველ მომხმარებლებს სულ ახლახან აგროსფერომ წარუდგინა. შესაბამისად, პროდუქტი ჯერ მხოლოდ კომპანიის მაღაზიათა ქსელშია ხელმისაწვდომი. უახლეს აგრო-დრონზე მეტი დეტალის გაგებასაც მის ვებ-გვერდზე შეძლებთ.

აგროსფერო ინოვაციური სასოფლო-სამეურნეო პროდუქციისა და აგროტექნიკის იმპორტიორი კომპანიაა, რომელიც თანამედროვეობის კონცეფციას ეფუძნება და ქართველი ფერმერებისთვის დღეს არსებულ შესაძლებლობებზე ხელმისაწვდომობის გაზრდას ემსახურება.