ვინ იყვნენ წყალქვეშა ნავის მგზავრები, რომლებიც ტიტანიკისკენ მიცურავდნენ

ფოტო: Twitter / Getty Images
აშშ-ის სანაპირო დაცვის სამსახური და კომპანია OceanGate ადასტურებენ, რომ რამდენიმე დღის წინ ატლანტის ოკეანეში გაუჩინარებულ წყალქვეშა ნავზე მყოფი ყველა ადამიანი გარდაცვლილია. შეგახსენებთ, რომ კომპანია OceanGate-ის ტურისტული წყალქვეშა ნავი, რომელიც ჩაძირული ტიტანიკისკენ მიემგზავრებოდა, 18 ივნისს გაუჩინარდა. ბორტზე მყოფ 5 ადამიანთან კავშირი წყალში ჩაშვებიდან საათისა და 45 წუთის შემდეგ გაწყდა. სტატიაში წყალქვეშა ნავის 5 გარდაცვლილი მგზავრის შესახებ გიამბობთ, რომელთა ცხედრები ჯერ არ უპოვიათ.
1. სტოკტონ რაში

ფოტო: Reuters
სტოკტონ რაში OceanGate-ის დამფუძნებელი და აღმასრულებელი დირექტორი იყო. სწორედ სტოკტომის კომპანიას ეკუთვნოდა ის ტურისტული წყალქვეშა ნავი, რომელიც ჩაძირული ტიტანიკისკენ მიემგზავრებოდა. სტოკტონის ცოლი, ვენდი რაში, ტიტანიკზე დაღუპული ორი მგზავრის შთამომავალია.
2. ჰემიშ ჰარდინგი

ფოტო: Getty Images
ჰემიშ ჰარდინგი გინესის ოთხგზის რეკორდსმენია. ჰარდინგმა გინესის ბოლო რეკორდი 2021 წელს მარიანას ღრმულის ფსკერზე ჩავლისა და იქ დროის გატარებისთვის დაამყარა. ჰარდინგმა 11 ათასი მეტრის სიღრმეზე 4 საათი და 15 წუთი გაატარა.
3. პოლ-ანრი ნარჟოლე

ფოტო: Getty Image
77 წლის პოლ-ანრი ნარჟოლე ფრანგი მყვინთავი იყო, რომელსაც მეტსახელად "მისტერ ტიტანიკს" უწოდებდნენ. პოლ-ანრი ტიტანიკის ნამსხვრევების სანახავად მინიმუმ 35-ჯერ იყო ნამყოფი. პოლ-ანრი ასევე იმ ექსპედიციის წევრიც იყო, რომელმაც 1987 წელს ტიტანიკის ნამსხვრევების სანახავად ოკეანეში პირველად ჩაყვინთა.
4. შახზადა დავუდი

შახზადა დავუდი პაკისტანელი ბიზნესმენი და ქვეყნის ერთ-ერთი უმდიდრესი ადამიანი იყო. წყალქვეშა ნავზე შახზადა თავის შვილთან ერთად იმყოფებოდა. ბოლო პერიოდში კი, შახზადა დავუდი ბრიტანეთში ცოლთან და ორ შვილთან ერთად ცხოვრობდა.
5. სულემან დავუდი

ფოტო: Twitter
19 წლის სულემან დავუდი მგზავრებს შორის ყველაზე ახალგაზრდა იყო. სულემანი გლაზგოს უნივერსიტეტში ბიზნესის ფაკულტეტზე სწავლობდა და პირველი კურსი ცოტა ხნის წინ დაამთავრა.
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
კომენტარები