30 მაისის ვაჭრობის დაწყებისას Nvidia-ს (NVDA) საბაზრო კაპიტალიზაციამ 1 ტრილიონ დოლარს მიაღწია, ბაზრის დახურვისთვის კი 990 მილიარდამდე შემცირდა. ჩიპების მწარმოებელი კომპანიისთვის ეს ისტორიული შედეგია.

იმისათვის, რომ კომპანიის ზომა 1 ტრილიონამდე შენარჩუნებულიყო, მისი ერთი აქციის ღირებულება 404,86 დოლარს არ უნდა ჩამოსცდენოდა. მიმდინარე წლის დასაწყისთან შედარებით, Nvidia-ს აქციების ღირებულება 174%-ით არის გაზრდილი.

კომპანიის ფასიანი ქაღალდების ღირებულება განსაკუთრების მას შემდეგ გაიზარდა, რაც გასულ კვირაში კვარტალური შედეგები გამოაქვეყნა. როგორც აღმოჩნდა, Nvidia-ს ფინანსურმა მაჩვენებლებმა მოლოდინებს გადააჭარბეს. უფრო კონკრეტულად, ანგარიშის მიხედვით, გასულ კვარტალში კომპანიის შემოსავლები $11 მილიარდამდე, 50%-ით არის გაზრდილი.

მიმდინარე წელი ტექ-კომპანიების ნაწილისთვის დადებითი შედეგებით დაიწყო. მათ რიგშია Nvidia-ც, რომლის შემოსავლების ზრდაც ხელოვნურ ინტელექტზე მოთხოვნის ბუმს უკავშირდება.

Nvidia ისეთ ჩიპებსა და ნაწილაკებს აწარმოებს, რომლებიც AI პლატფორმებისთვის აუცილებელია. შესაბამისად, ხელოვნურ ინტელექტზე გაზრდილი ინტერესი Nvidia-ს პირდაპირ შეეხო.

Nvidia იზრდება და ტრილიონიანი კომპანიების კლუბს უერთდება. ის უკვე Apple-ის, Microsoft-ის, Alphabet-ისა და Amazon-ის გვერდით დგას. ბოლო ინფორმაციით, Nvidia-ს ერთი აქცია 393,27 დოლარად ივაჭრება.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.