რატომ არის მნიშვნელოვანი: 2022 წლის 10 ივნისს საქალაქო სასამართლომ კვესიტაძის სამსახურიდან გათავისუფლება კანონიერად მიიჩნია და სამაუწყებლო კომპანიისთვის 25 ათასი ლარის გადახდა დააკისრა.

  • რაც შეეხება რუსთავი 2-ს, მას ჟურნალისტისთვის მხოლოდ ნამუშევარი პერიოდის სახელფასო ანაზღაურების გადახდა დაეკისრა.
  • კვესიტაძის უფლებებს საია იცავდა.
  • საიაში აცხადებდნენ, რომ კვესიტაძე სხვა კოლეგებთან ერთად დამსაქმებლის მხრიდან დისკრიმინაციული მოპყრობის მსხვერპლი გახდა, ამის მთავარი მიზანი ჟურნალისტური საქმიანობის შინაარსიდან გამომდინარე მათი სამაგალითო დასჯა იყო.
  • ორგანიზაციაში ამბობდნენ, რომ სასამართლოს მიერ გადაწყვეტილების გამოცხადებისას გაჟღერებული პოზიციები მიუღებელი იყო და სააპელაციოში გაასაჩივრეს.

დეტალები: სააპელაციოს გადაწყვეტილებას მთავარი არხის დამფუძნებელი, ნიკა გვარამია სოციალურ ქსელში გამოეხმაურა.

  • "რ2-დან უკანონოდ გამოგდებულ ეკა კვესიტაძეს დღეს სააპელაციო სასამართლომ იქით დააკისრა 12 000 ლარი რ2-ის სასარგებლოდ. ორივე ეპიზოდი არის ქვეყნის გამორჩეული კრიტიკული ხმის პოლიტიკური დევნა და მოითხოვს მკაფიო და ხისტ რეაქციას".
  • "პირადად მე, როგორც მთავარი არხის ერთ-ერთი დამფუძნებელი, ვიღებ საკუთარ თავზე პასუხისმგებლობას, რომ ამ სამართლებრივი ძალადობის პირისპირ ეკა არ დარჩება მარტო და თუ უზენაესი სასამართლო ძალაში დატოვებს უკანონო გადაწყვეტილებას, დაკისრებული თანხის ანაზღაურება ჟურნალისტს არ მოუწევს".