ილინოისში 6 წლის წინ გატაცებულ ბავშვს ნეტფლიქსის შოუს, Unsolved Mysteries-ის საშუალებით მიაგნეს. კაილა 9 წლის იყო, როცა გაიტაცეს და მას შემდეგ ბავშვი დაკარგულად ითვლებოდა. ცოტა ხნის წინ კი, ილინოისის დაკარგული და ექსპლუატირებული ბავშვების ეროვნულმა ცენტრმა კაილას მამას შეატყობინა, რომ ბავშვი ჩრდილოეთ კაროლინაშია და თავს უსაფრთხოდ გრძნობს.

სააგენტოს მიერ გავრცელებული ინფორმაციით, კაილა 9 წლის იყო, როცა 2017 წლის 5 ივლისს საკუთარმა დედამ გაიტაცა. ბავშვის პოვნის შესახებ კაილას მამამ კომენტარი გააკეთა და სააგენტოს შვილის პოვნისთვის მადლობა გადაუხადა.

ფოტო: Twitter

"ძალიან მიხარია, რომ კაილა უსაფრთხოდაა. მინდა მადლობა გადავუხადო ყველა უწყებას, რომელიც კაილას საქმის გამოძიებაში დამეხმარა. თუმცა კონფიდენციალურობის დაცვას ვითხოვ, როცა კაილას გავიცნობ და ყველაფერს თავიდან დავიწყებთ", — განაცხადა ბავშვის მამამ.

კაილა მას შემდეგ იპოვეს, რაც ის სამხრეთ კაროლინას შტატის ერთ-ერთი მაღაზიის მეპატრონემ ამოიცნო და მიხვდა, რომ ბავშვი ნეტფლიქსის Unsolved Mysteries-ში ნახა. კაილა მაღაზიაში დედას დაჰყავდა ხოლმე. მაღაზიის მეპატრონე პოლიციას დაუკავშირდა, რის შემდეგაც კაილას დედა დააპატიმრეს, ბავშვის პოვნის შესახებ კი მამას შეატყობინეს.

კაილა დაკარგულად 2017 წელს გამოცხადდა, როცა დედამ ის ბანაკში წაიყვანა, უკან კი არცერთი დაბრუნებულა. ამ დღის შემდეგ კაილას დედამ სოციალური ქსელები გააუქმა და ტელეფონიც გამორთო. გამოძიების ვარაუდით, კაილას დედას ბავშვის გატაცება წინასწარ ჰქონდა დაგეგმილი. კაილა ამჟამად ისევ ჩრდილოეთ კაროლინაში იმყოფება, მალე კი სახლში დააბრუნებენ.