საქართველოს პარლამენტის დამოუკიდებელი დეპუტატი, სალომე ზურაბიშვილი მიიჩნევს, რომ საქართველოს პრეზიდენტი, გიორგი მარგველაშვილი პოლიტიკურ ბრძოლას შეუდგა, მოკავშირეები ამოირჩია და ღია კრიზისისკენ მიდის. ასე გამოეხმაურა დეპუტატი საქართველოს პრეზიდენტის ადმინისტრაციის უფროსს, გიორგი აბაშიშვილს. აბაშიშვილმა საზოგადოებრივ მაუწყებელთან საუბრისას აღნიშნა, რომ კონსტიტუციის პროექტი არა ქართული საზოგადოების, არამედ ქართული ოცნების შიგნით კონსესუსით მიიღეს.

"რაც არ უნდა იყოს ეს ნიშნავს დაძაბულობის გამოწვევას რის მეშვეობით ნებსით თუ უნებლიედ (ამას ვუტოვებ) გარდაიქმნება ოცნების მოყვანილ პრეზიდენტიდან ნაცგაერთიანების კანდიდატად," - ამბობს ზურაბიშვილი პრეზიდენტზე.

ზურაბიშვილი იმედოვნებს, რომ მარგველაშვილს გადააყენებენ ან თვითონ გადადგება და ასე გამოიწვევს კონსტიტუციის გაყინვას.