ამის შესახებ პრეზიდენტი განცხადებას ავრცელებს.

რატომ არის მნიშვნელოვანი: ქართული ოცნების ინიციატივით, იცვლება ცესკოს დაკომპლექტების წესი.

  • მმართველ პარტიას სურს, ცესკოს თავმჯდომარეობის კანდიდატების წარდგენის უფლებამოსილება პრეზიდენტის ნაცვლად, პარლამენტის თავმჯდომარეს მიენიჭოს.
  • კანონპროექტის ინიციატორები მამუკა მდინარაძე, გივი მიქანაძე, დავით მათიკაშვილი, რატი იონათამიშვილი და ირაკლი შატაკიშვილი არიან.
  • ცვლილებების დამტკიცების შემთხვევაში, წარდგენილ კანდიდატებს თანამდებობაზე სრული ვადით, 5 წლით პარლამენტი სრული შემადგენლობის უმრავლესობით აირჩევს, მაშინ, როცა დღეს ამისთვის დეპუტატების 2/3-ის მხარდაჭერაა საჭირო.
  • ასევე, ცესკოს არაუმეტეს 9 წევრს პარტიები დანიშნავენ.
  • ცესკოს თავმდჯომარისა და წევრების შესარჩევ კონკურსს გამოაცხადებს და საკონკურსო კომისიას შექმნის პარლამენტის თავმჯდომარე, ასევე, ნათქვამია, რომ "გარანტირებულია საკონკურსო კომისიაში პრეზიდენტის წარმომადგენლის ყოფნა".

დეტალები: ზურაბიშვილის განცხადებით, უკვე მესამედ, მმართველი უმრავლესობა ცვლის კანონებს იმ მიზეზით, რომ პრეზიდენტმა არ წარადგინა მათთვის სასურველი კანდიდატები კონკრეტულ თანამდებობებზე.

  • ესენია: ელჩები, ეროვნული ბანკის საბჭოს წევრები, ცესკოს თავმჯდომარე და წევრები. სამივე შემთხვევაში პრეზიდენტის პრინციპული პოზიცია გამომდინარეობს სახელმწიფო და არა პირადი ინტერესებიდან.
  • ნათქვამია, რომ პრეზიდენტი კანდიდატურების შერჩევისას ხელმძღვანელობს მათი დამოუკიდებლობის ხარისხითა და მიუკერძოებლობით.
  • "პრეზიდენტი ეჭვქვეშ არ აყენებს მათ კვალიფიკაციას, მაგრამ პრინციპულად მიაჩნია, რომ ასეთ თანამდებობებზე ერთპარტიული დანიშვნები ეწინააღმდეგება სახელმწიფოებრიობას და ევროპულ მომავალს. ამდენად, ამ კანონსაც პრეზიდენტი ვეტოს დაადებს", — ნათქვამია განცხადებაში.