ახლახან მიცემულ ინტერვიუში რობერტ დე ნირომ დაადასტურა, რომ ცოტა ხნის წინ მეშვიდე შვილი შეეძინა. ჟურნალისტმა რობერტ დე ნირო 6 შვილის მამად მოიხსენია, რაც მსახიობმა ზრდილობიანად შეუსწორა და უთხრა, რომ უკვე მე-7 შვილიც ჰყავს.

დე ნიროს წინა ურთიერთობების პერიოდში 6 შვილი შეეძინა, თუმცა ჯერ არ დასტურდება, თუ ვინ არის მე-7 ბავშვის დედა. მსახიობმა ისიც განაცხადა, რომ მამობა ძალიან მოსწონს და შვილები ძალიან უყვარს, თუმცა მათ მიმართ ხანდახან მკაცრიცაა.

მიუხედავად იმისა, რომ დე ნირო ბავშვის დედის ვინაობას არ ამჟღავნებს, მსახიობის ფანები ვარაუდობენ, რომ მას შვილი ტიფანი ჩანისგან ეყოლა, რომელსაც უკვე ორ წელზე მეტია ხვდება.

დე ნიროს პირველი ცოლისგან ბიჭი და გოგო შეეძინა. 1995 წელს კი დე ნიროსა და ტუკი სმიტს ტყუპები შეეძინათ, თუმცა ისინი არ დაქორწინებულან. დე ნიროს მეორე ცოლისგან ასევე ჰყავს 24 წლის ვაჟი ელიოტი და 11 წლის ქალიშვილი ჰელენ გრეისი.