რატომ არის მნიშვნელოვანი: 5 ივლისს, რუსთაველის გამზირზე, სადაც ღირსების მარში იყო დაგეგმილი, პრორუსულმა ძალადობრივმა ჯგუფებმა და სასულიერო პირებმა დააორგანიზეს ძალადობა — აქტივისტების ოფისები დაარბიეს, ფიზიკურად გაუსწორდნენ 50-ზე მეტ ჟურნალისტს.

  • ფიზიკური თავდასხმიდან რამდენიმე დღეში, 11 ივლისს, TV პირველის ოპერატორი, ლექსო ლაშქარავა, საკუთარ სახლში გარდაცვლილი იპოვეს.
  • ამ დრომდე დანაშაულის ორგანიზატორები არ დასჯილან და ახალ კანონსაწინააღმდეგო ქმედებებში მონაწილეობენ.

დეტალები: სააპელაციო სასამართლომ ბრალი დაუმძიმა პირველი არხის ოპერატორზე, ილია თვალიაშვილზე ძალადობაში ბრალდებულებს;

  • ჯანმრთელობის განზრახ მძიმე დაზიანების მუხლით, მათ 3-3 წლით პატიმრობა შეეფარდათ.
  • პირველი არხის ინფორმაციით, ერთი მსჯავრდებული, გიორგი მაღრაძე სხდომათა დარბაზში დააკავეს, ხოლო გიორგი წარუაშვილი ძებნილად გამოცხადდება.
  • პირველი ინსტანციის სასამართლოს გადაწყვეტილებით, ბრალდებულებს 1 წელი და 3 თვე ჰქონდათ მისჯილი, რაც უკვე მოიხადეს.
  • დანარჩენი 5 პირის საქმეზე სააპელაციომ განაჩენი ძალაში დატოვა.