რა მოხდა: 6 მაისს, სოციალურ მედიაში გავრცელდა ვიდეოკადრები, რომელიც არასრულწლოვანის მიმართ სავარაუდო სექსუალური ხასიათის ქმედებას ასახავს.

  • შსს-ის ინფორმაციით, საქმეზე გამოძიება 141-ე მუხლის პირველი ნაწილით მიმდინარეობს, რაც 16 წლის ასაკს მიუღწეველი პირის მიმართ გარყვნილ ქმედებას გულისხმობს.
  • ბრალდებული ვანის რაიონის ერთ-ერთი სკოლის სამარშრუტო ტაქსის მძღოლია, რომელიც, სავარაუდოდ, მოსწავლეებს სიტყვიერად და ფიზიკურად ავიწროებდა.
  • კაცი იმ სკოლის დირექტორის ქმარია, სადაც ბავშვები სწავლობდნენ — მთავარი არხის ინფორმაციით, ქალმა თანამდებობა დატოვა.

ომბუდსმენი საგამოძიებო ორგანოებს დროული და ეფექტიანი რეაგირებისკენ მოუწოდებს.

  • "ამავდროულად, აუცილებელია, ყველა იმ პირის იდენტიფიცირება, ვისი მხრიდანაც განხორციელდა არასრულწლოვანის სავარაუდო უფლებადარღვევის ფაქტები", — ვკითხულობთ განცხადებაში.
  • აპარატში ამბობენ, რომ, ასევე, მნიშვნელოვანია, ბავშვის საჭიროებების შეფასება და შესაბამისი ფსიქო-სოციალური სერვისების მიწოდება.

გარდა ამისა, სახალხო დამცველი მედიას მოუწოდებს, მიუხედავად მაღალი საჯარო ინტერესისა, მაქსიმალურ დაიცვან ბავშვების კონფიდენციალურობა.

  • "უზრუნველყონ მათი საუკეთესო ინტერესების გათვალისწინება, რათა, მათ შორის, არ მოხდეს არასრულწლოვანთა რეტრავმატიზაცია".