საქართველოს ფინანსთა სამინისტროს საგამოძიებო სამსახურმა კერძო პირის კუთვნილი არასასოფლო - სამეურნეო დანიშნულების მიწის ნაკვეთის თაღლითურად დაუფლების მცდელობის ბრალდებით, ერთი პირი დააკავა. ინფორმაციას უწყების პრესსამსახური ავრცელებს.

მათივე ინფორმაციით, გამოძიებით დადგენილია, რომ ბრალდებული, ცდილობდა უცხო ქვეყნის მოქალაქის კუთვნილი 2 215 მ2 ფართის არასასოფლო - სამეურნეო დანიშნულების მიწის ნაკვეთის თაღლითურად დაუფლებას და შემდგომ, სხვა პირებისთვის მიყიდვას.

"ამ მიზნით, მან ყალბი დოკუმენტები წარადგინა საჯარო რეესტრის ეროვნულ სააგენტოში. ბრალდებული დაკავებულ იქნა სასამართლოს განჩინების საფუძველზე," - აღნიშნავენ საგამოძიებო სამსახურში.

საქმეზე გამოძიება აქართველოს საქართველოს სისხლის სამართლის კოდექსის მე-19 და 180 - ე მუხლებით მიმდინარეობს. ბრალის დამტკიცების შემთხვევაში ექვსიდან ცხრა წლამდე პატიმრობაა გათვალისწინებული.