განცხადება და კადრები უწყებამ ფეისბუქგვერდზე გავრცელა.

რატომ არის მნიშვნელოვანი: უწყების განცხადებით, მტკიცებულებებით დგინდება, რომ მალხაზ პაქსაშვილმა საქართველო 2013 წელს დატოვა, სირიაში გაემგზავრა და ტერორისტულ ორგანიზაცია "ისლამურ სახელმწიფოს" შეუერთდა.

  • მათივე ინფორმაციით, 2013-2015 წლებში ის ე.წ. სამხედრო ემირების, ძმებ ცეზარ და ცისკარა ტოხოსაშვილების დაჯგუფებაში ირიცხებოდა და აქტიურ მონაწილეობას იღებდა თავდასხმებსა და სამხედრო ოპერაციებში.
  • სუს-ის მტკიცებით, დაკავებულს მჭიდრო კავშირი ჰქონდა "ისლამური სახელმწიფოს" მაღალი რანგის სამხედრო მეთაურებთან და ტერორისტული ორგანიზაციის ერთ-ერთი დაჯგუფების ე.წ. ნაიბის პოზიციას იკავებდა.

დეტალები: საქმეზე გამოძიება საქართველოს სისხლის სამართლის კოდექსის 328-ე მუხლით მიმდინარეობს, რაც გულისხმობს უცხო ქვეყნის ტერორისტულ ორგანიზაციაში გაერთიანებას და ტერორისტულ საქმიანობაში დახმარებას.

  • დანაშაული სასჯელის სახით 10-დან 17 წლამდე თავისუფლების აღკვეთას ითვალისწინებს.