ინფორმაციას სახელმწიფო უსაფრთხოების სამსახური ავრცელებს.

რატომ არის მნიშვნელოვანი: საოკუპაციო ხაზის გასწვრივ მდებარე სოფლებში ოკუპანტების მიერ საქართველოს მოქალაქეების გატაცებისა და დაპატიმრების შემთხვევები საკმაოდ ხშირია.

  • 27 აპრილს, ერგნეთში ინციდენტების პრევენციის და მათზე რეაგირების მექანიზმის (IPRM) მორიგი შეხვედრა იგეგმება.

დეტალები: უსაფრთხოების სამსახურის ცნობით, რუსეთის საოკუპაციო ძალებმა საქართველოს ორი მოქალაქის უკანონოდ დაკავება სცადეს.

  • შემთხვევა დღეს, ქარელის მუნიციპალიტეტის სოფელ ჭვრინისის მახლობლად მოხდა.
  • მოქალაქეებმა თავდამსხმელებს წინააღმდეგობა გაუწიეს.
  • უწყების განცხადებით, ოკუპანტებმა ტერიტორია მას შემდეგ დატოვეს, რაც ადგილზე პოლიციის თანამშრომლები გამოჩნდნენ.
  • უსაფრთხოების სამსახურის ცნობთ, ამჟამად მოქალაქეები ცენტრალური ხელისუფლების კონტროლირებად ტერიტორიაზე იმყოფებიან და მათ საფრთხე არ ემუქრება. მათ შიდა ქართლის პოლიციის დეპარტამენტში გამოკითხვა უტარდებათ.