რატომ არის მნიშვნელოვანი: გერმანიის პრეზიდენტმა, ფრანკ-ვალტერ შტაინმაიერმა პარალელები გაავლო 1943 წელს ვარშავის გეტოს აჯანყების სასტიკ ნაცისტურ ჩახშობასა და გასულ წელს უკრაინაში რუსეთის გაუმართლებელ, არაპროვოცირებულ სრულმასშტაბიან შეჭრას შორის.

  • მან ისაუბრა, რომ პუტინმა დაარღვია საერთაშორისო სამართალი, დაარღვია საზღვრები და მიიტაცა მიწები.
  • "ომმა უკრაინის ხალხს მოუტანს განუზომელი ტანჯვა, ძალადობა, ნგრევა და სიკვდილი", — აღნიშნა შტაინმაიერმა.

დეტალები: გერმანიის პრეზიდენტი სიტყვით გამოვიდა პოლონეთში, ვარშავის გეტოს აჯანყების 80 წლისთავისთვის მიძღვნილ ღონისძიებაზე გამოვიდა.

  • შტაინმაიერმა პატივი მიაგო ნაცისტური გერმანიის მსხვერპლთ და ქვეყნის სახელით ბოდიში მოიხადა.
  • ცერემონიალში მონაწილეობას იღებდნენ პოლონეთის პრეზიდენტი ანჯეი დუდა და ისრაელის პრეზიდენტი იცხაკ ჰერცოგი.
  • "პოლონეთში, ისრაელში, თქვენ იცით თქვენი ისტორიიდან, რომ თავისუფლებისა და დამოუკიდებლობისთვის უნდა იბრძოლოთ და დაიცვათ. თქვენ იცით, რამდენად მნიშვნელოვანია დემოკრატიისთვის თავის დაცვა";
  • "მაგრამ ჩვენ გერმანელებმაც ვისწავლეთ ჩვენი ისტორიის გაკვეთილები. აღარასოდეს — ნიშნავს, რომ ევროპაში აღარასოდეს აღარ უნდა იყოს დანაშაულებრივი ომი, როგორიცაა რუსეთის ომი უკრაინის წინააღმდეგ".

ვარშავის გეტოს აჯანყება: მეორე მსოფლიო ომის ერთ-ერთი ყველაზე გამორჩეული დაუმორჩილებლობის აქტი იყო.

  • აჯანყების დაწყებისას დაახლოებით 50 000 მშვიდობიანი მოქალაქე იმალებოდა გეტოში სარდაფებსა და ბუნკერებში.
  • ნაცისტებმა სასტიკად ჩაახშეს აჯანყება და ცეცხლი წაუკიდეს მთელ გეტოს.
  • მიჩნეულია, რომ დაახლოებით 7 000 ებრაელი დაიღუპა ბრძოლისას, ხოლო 6 000 ნაცისტური ჯარის მიერ გეტოში გაჩენილი ხანძრის შემდეგ..