9,14 სმ-ის სიმაღლის ცუგამ ყველაზე დაბალი ძაღლის ტიტული მოიპოვა და გინესის რეკორდსმენი გახდა. ცუგა, სახელად პერლი, 2 წლის წინ ფლორიდაში დაიბადა. პერლის სიმაღლე 9,14 სმ, სიგრძე 12,7სმ, ხოლო წონა კი 553 გრამია.

აღსანიშნავია, რომ პერლამდე მსოფლიოს ყველაზე დაბალი ძაღლის ტიტულს ცუგა, სახელად მილი, იკავებდა, რომელიც პერლის დედის იდენტური დაა. მილის სიმაღლე 9,6 სმ იყო, თუმცა პერლმა ახალი რეკორდი დაამყარა.

ფოტო: Twitter

"ჩვენ ძალიან ბედნიერები ვართ, რომ პერლი გვყავს და გვაქვს უნიკალური შესაძლებლობა, მსოფლიოს ეს სიახლე გავუზიაროთ და ჩვენივე რეკორდი მოვხსნათ", — განაცხადა პერლისა და მილის პატრონმა.

ცოტა ხნის წინ პერლი ტელეეკრანებზეც გამოჩნდა, ტალანტების შოუში მიიღო მონაწილეობა და მაყურებელზე დიდი შთაბეჭდილება მოახდინა. როგორც აღმოჩნდა, პერლს ეკრანების წინ ყოფნა ძალიან მოსწონს. მისი პატრონის თქმით კი, სახლში 4 ცუგა ჰყავს, თუმცა პერლი მათ შორის ყველაზე მხიარულია.