რატომ არის მნიშვნელოვანი: აშშ-ის სახელმწიფო დეპარტამენტმა ქართველი მოსამართლეები, ე.წ კლანის წევრები, ლევან მურუსიძე, მიხეილ ჩინჩალაძე, ირაკლი შენგელია და ვალერიან ცერცვაძე დაასანქცირა.

  • განცხადებაში აღნიშნულია, რომ მოსამართლეები "მნიშვნელოვან კორუფციულ საქმიანობაში ჩართულობის გამო" სანქცირდებიან.
  • სახელმწიფო დეპარტამენტის განცხადებით, მათ ბოროტად გამოიყენეს თანამდებობა, როგოც სასამართლოს თავმჯდომარეებმა და იუსტიციის უმაღლესი საბჭოს წევრებმა.

კობახიძე ამბობს, რომ აშშ-ის სახელმწიფო მდივანი, ენტონი ბლინკენი "გასვარეს", რაც ძალიან ცუდია.

  • "ძალიან მძიმედ მეტყველებს იმ ადამიანებზე, რომლებსაც ასეთი ინფორმაცია მიაქვს სახელმწიფო მდივნამდე"
  • "ჩვენ ყველას გვესმის, რომ ენტონი ბლინკენი საქართველოზე ფიქრით არ იძინებს და არ იღვიძებს, მას ბევრად მეტი საქმე აქვს. როცა მასთან მიაქვთ ასეთი უხეში დოკუმენტები, ეს არის, რა თქმა უნდა, ძალიან მძიმე და ეს მეტყველებს კორუფციულ პროცესებზე".

დეტალები: ქართული ოცნების თავმდჯომარის თქმით, მთელი ამ დროის განმავლობაში "უცხოური აგენტების სახელით" სასამართლოს სტიგმატიზაციის მცდელობა მიმდინარეობდა.

  • "საბჭოური მცდელობებით ცდილობენ, დაბრენდონ სასამართლო სისტემა, აქაც არის პოლიტიკური ინტერესი, რომ მოხდეს ჩარევა სასამართლოს დამოუკიდებლობაში, მოხდეს სასამართლოს დამოუკიდებლობის ხელყოფა".
  • მისი მტკიცებით, მათ შორის, ბოლო განცხადება აჩვენებს, რომ საქართველოს, როგორც სახელმწიფოს, არ უყურებენ და ამატებს, "ბოლომდე უნდა დავიცვათ ჩვენი სახელმწიფოებრივი ინტერესები".
  • ირწმუნება, თითქოს, აშშ-ის სახელმწიფო დეპარტამენტის გადაწყვეტილებას მტკიცებულებები არ უდევს საფუძვლად და არსებობს პოლიტიკური ინტერესი, რომ დამოუკიდებელ სასამართლოში მოხდეს ჩარევა.
  • "დანაშულია ჩადენილი და გვიმალავენ? თუ დანაშაულია ჩადენილი, პირველი ის ინტერესი ხომ უნდა გქონდეს, რომ აცნობო მეორე მხარეს ამ დანაშაულის შესახებ, ან საზოგადეობას მაინც უთხრა, საზოგადოებას რატომ უმალავენ?"
  • "კარგი, NGO-ების გამჭვირვალობა არ გინდა, მაგრამ აქ მაინც იყავი გამჭვირავლე და უთხარი, რომ ამა და ამ მოსამართლეებმა ჩაინიდეს ესა და ეს დანაშაული, რატომ არ ამბობ?"