ბრიტანელმა ძროხამ სოციალური ქსელების მომხმარებელთა ყურადღება მას შემდეგ მიიპყრო, რაც მოწველის ასარიდებლად თავი მოიმძინარა. დორისის ვიდეო ტიკტოკზე უკვე 1,5 მილიონმა ადამიანმა ნახა. ვიდეოში ფერმერი ცდილობს, რომ სუსხიან დილას დორისი გარეთ გამოიყვანოს, თუმცა ძროხა თავს ისე აჩვენებს, თითქოს სძინავს.

ფერმერი თავის ტიკტოკზე მხიარულ ვიდეოებს ხშირად აქვეყნებს. "ჩემმა ცოლმა ჩათვალა, რომ ეს ვიდეო სასაცილო იყო და ტიკტოკზე გამოქვეყნება გადავწყვიტე", — ამბობს ფერმერი დორისის ვიდეოს შესახებ. ის ნამდვილად არ შემცდარა, ვიდეო უამრავმა ადამიანმა მოიწონა და ზოგმა თავი დორისთანაც გააიგივა.

@laurabrodie3 Her face at the end, love Doris #cow #cows #cowsoftiktok #farming #foryou #fyp #britishfarming #cutenessoverloaded #farmlife ♬ original sound - Laura & John Brodie

"მეც დორისი ვარ. აცადეთ გოგოს ძილი", — წერს ტიკტოკის ერთ-ერთ მომხმარებელი. "დღეს მეც დორისი ვარ", — ვკითხულობთ კომენტარებში. ზოგი მომხმარებელი კი იმ აზრს დაეთანხმა, რომ დორისი შესანიშნავი პიროვნებაა და მისი ძალიან კარგად ესმით.

ასე იქცა დორისი ინტერნეტის ვარსკვლავად, მოგვიანებით კი CNN-მა დორისის ვიდეოს სიუჟეტიც მიუძღვნა. დორისისა და ფერმის სხვა ბინადრების ვიდეოები კი ამ ფერმერის ტიკტოკზე შეგიძლიათ ნახოთ.