საქართველოს დემოკრატიული ინიციატივია (GDI) დაკავებულ 21 წლის აქტივისტზე განცხადებას ავრცელებს.

რატომ არის მნიშვნელოვანი: რუსული კანონის საწინააღმდეგო აქციის მონაწილე, ლაზარე გრიგორიადისი პოლიციამ 29 მარტს დააკავა, გუშინ, 31 მარტს კი სასამართლომ პატიმრობა შეუფარდა.

  • 7-8 მარტის აქციები სამართალდამცველებმა რამდენჯერმე დაშალეს წყლის ჭავლის, წიწაკის სპრეისა და ცრემლსადენი გაზის გამოყენებით, მოგვიანებით კი დარბევაზე გადავიდნენ: სათითაოდ მისდევდნენ, სცემდნენ და აკავებდნენ პროტესტის მონაწილეებს.
  • გამოძიების ვერსიით, გრიგორიადისმა პოლიციის თანამშრომლებს ქვები და ე.წ. მოლოტოვის კოქტეილები ესროლა, ასევე, ცეცხლი წაუკიდა შსს-ის კუთვნილ ავტომობილს.
  • მმართველი გუნდის თავმჯდომარემ 21 წლის აქტივისტს "გზას აცდენილი კაცი" უწოდა და თქვა, რომ "ჩანს, ყველანაირი ორიენტაცია არეული აქვს" — კობახიძის ამ განცხადებას, სავარაუდოდ, ჰომოფობიური ქვეტექსტი ჰქონდა.

GDI აღნიშნავს, რომ ლაზარე გრიგორიადისის ბრალდებასა და პატიმრობის შეფარდებას წინ პრემიერმინისტრის მხრიდან აქციის მონაწილეების, მათ შორის, ახალგაზრდების უმკაცრედას დასჯის მუქარა და დემონიზება უსწრებდა.

  • მიუთითებენ კობახიხის ჰომოფობიურ, პროპაგანდისტულ განცხადებაზეც.
  • ორგანიზაციის შეფასებით, აქტივისტის სისხლის სამართლებრივი დევნა ქართული ოცნების პროპაგანდისტული კამპანიის ნაწილი და პოლიტიკური მიზნების მიღწევის იარაღია.
  • "ხელისუფლების მხრიდან ლაზარეს სისხლისსამართლებრივ დევნას, მათ შორის, შესაძლოა ჰქონდეს აქციაზე მყოფი ახალგაზრდების მიმართ შურისძიების მიზანი".