ახალმა კვლევამ აჩვენა, რომ ტოქსიკურ სარეველას აქვს ანტიოქსიდანტური და ანთების საწინააღმდეგო კომპონენტები. ეს მას კანის დამცავ საშუალებად აქცევს.

დადგინდა, რომ კოკლბურის მცენარეში შემავალი ნაერთები ამცირებენ ზიანს ულტრაიისფერი სხივების ზემოქმედებისგან და გავლენას ახდენენ კოლაგენის წარმოებაზე — ეს ცნობილია კანის ელასტიურობით. ამასთან, მცენარე აჩქარებს ჭრილობების შეხორცებას ლაბორატორიულ ტესტებში უჯრედებისა და ქსოვილების გამოყენებით.

მცენარე გვხვდება სამხრეთ ევროპაში, ცენტრალურ აზიასა და ჩინეთში. მისი წვეტიანი ნაყოფი დაფარულია ხისტი ქერქითა და ბუჩქებით. ის გამოიყენებოდა ტრადიციულ მედიცინაში თავის ტკივილის, ცხვირის გაჭედვის, კანის პიგმენტაციის დარღვევის, რევმატოიდული ართრიტისა და კიბოს დროსაც კი.

თუმცა, ეს ახალი კვლევა პირველია, რომელმაც ნაყოფის თვისებები, როგორც ჭრილობების სამკურნალო და კანის დამცავი საშუალება ისე შეისწავლა.

"ჩვენ აღმოვაჩინეთ, რომ კოკლბურის ნაყოფს შეუძლია კანის დაცვა და კოლაგენის გამომუშავება", — თქვა ეუნსუ სონგმა, მიონჯი უნივერსიტეტის პროფესორმა.

ამ მხრივ, ეს შეიძლება იყოს საინტერესო ინგრედიენტი კრემებისთვის ან სხვა კოსმეტიკური ფორმებისთვის. მკვლევრები ხაზს უსვამენ, რომ ეს ყველაფერი დაბერების საწინააღმდეგოდაც შეიძლება გამოიყენონ.

ეფექტური ინგრედიენტი კოსმეტიკაში გამოსაყენებლად

მკვლევრებმა გამოიკვლიეს კოკლბურის ხილის ექსტრაქტების მოლეკულური თვისებები და გამოავლინეს კონკრეტული ნაერთები, რომლებსაც შეუძლიათ ხელი შეუწყონ ანტიოქსიდანტურ და ანთების საწინააღმდეგო ეფექტებს. უჯრედული კულტურებისა და ქსოვილის 3D მოდელის გამოყენებით, რომელსაც ჰქონდა ადამიანის კანის მსგავსი თვისებები, მათ შეისწავლეს, თუ როგორ მოქმედებდა ხილის ნაერთები კოლაგენის წარმოებაზე, ჭრილობების შეხორცებასა და UVB გამოსხივების შემცირებაზე.

შედეგები იყო უაღრესად დადებითი. მკვლევრებმა ასევე შეადარეს მცენარეები, რომლებიც იზრდება მსოფლიოს სხვადასხვა კუთხეში. შედეგად აღმოაჩინეს, რომ სამხრეთ კორეის ნაყოფს უფრო მაღალი ანტიოქსიდანტური და ანთების საწინააღმდეგო თვისებები ჰქონდა, ვიდრე ჩინეთში მოყვანილს.

თუმცა კოკლბური მავნე მცენარეა და მისი ექსტრაქტის მაღალი დოზა შეიძლება საზიანო იყოს.

"თავის ბუსუსებში კოკლბურის ნაყოფს აქვს ტოქსიკური კომპონენტი, კარბოქსიტრაქტილოზიდი, რომელსაც შეუძლია ღვიძლის დაზიანება. ეს იმ შემთხვევაში თუ საქმე გვაქვს მაღალ კონცენტრაციასთან. შესაბამისად, სათანადო კონცენტრაციის პოვნა აუცილებელი იქნება კოკლბურის ექსტრაქტის კოსმეტიკაში კომერციალიზაციისთვის", — ამბობენ მკვლევრები.

მეცნიერები აღნიშნავენ, რომ შემდგომი კვლევები იქნება საჭირო რათა ზუსტი შედეგები მიიღონ.

თუ სტატიაში განხილული თემა და ზოგადად: მეცნიერებისა და ტექნოლოგიების სფერო შენთვის საინტერესოა, შემოგვიერთდი ჯგუფში – შემდეგი ჯგუფი.