სელენა გომესსა და ჰეილი ბიბერზე, უფრო კონკრეტულად კი, მათ ურთიერთობაზე ჯასტინ ბიბერთან, უკანასკნელი 5 წლის განმავლობაში საუბარი არ შეწყვეტილა, ბოლო რამდენიმე კვირის განმავლობაში კი ვარსკვლავების ფანებს შორის გაჩაღებული ომი კიდევ უფრო გამწვავდა ინტერნეტში. საზოგადოების დიდი ნაწილი ჰეილისადმი უარყოფითად განეწყო, რადგან უამრავი ადამიანი ფიქრობდა, რომ მოდელი ცნობილ მეგობრებთან ერთად სელენას გარეგნობასა და წონას დასცინოდა. შედეგად ჰეილი ნეგატიური კომენტარების სამიზნედ თავად იქცა და, როგორც აღმოჩნდა, სასიკვდილო მუქარის შემცველი შეტყობინებებიც კი მიიღო. საბოლოოდ, მოდელმა დახმარება ისევ სელენა გომესს სთხოვა, რომელმაც 400 მილიონზე მეტ გამომწერს ინსტაგრამ სთორის საშუალებით მოუწოდა, რომ სიძულვილსა და ბულინგს არავინ იმსახურებს.

ფოტო: Selena Gomez / Instagram

"მე ყოველთვის მხარს ვუჭერდი სიკეთეს და მართლა მსურს, ეს ყველაფერი შეწყდეს," — სთხოვა ფანებს სელენამ.

ამის საპასუხოდ, ჰეილიმაც გააზიარა ინსტაგრამზე სთორი, რომელშიც მომღერალს მხარდაჭერისთვის მადლობა გადაუხადა. მოდელმა იმაზეც ისაუბრა, რა რთული იყო ბოლო რამდენიმე კვირა ინტერნეტ ომში გახვეული მთავარი სუბიექტებისთვის.

"ბოლო რამდენიმე კვირა ყველა იმ ადამიანისთვის, ვინც ამ ამბავს უკავშირდება, ძალიან რთული იყო, მილიონობით ადამიანი ინტერნეტში ძალიან დიდი დოზით სიძულვილს ხედავს, რაც ძალიან საზიანოა. სოციალური მედია მშვენიერი საშუალებაა ერთმანეთთან დასაკავშირებლად, თუმცა მსგავს მომენტებს მხოლოდ განხეთქილება მოაქვს ადამიანების ერთმანეთთან დაახლოების ნაცვლად."

ფოტო: Hailey Bieber / Instagram

"საბოლოოდ, მჯერა, რომ სიყვარული ყოველთვის გაიმარჯვებს სიძულვილზე და ყოველთვის შეგვიძლია, ერთმანეთს მეტი ემპათიითა და თანაგრძნობით მოვეკიდოთ."

ფოტო: Getty Images

ამის შემდეგ სელენამ და ჰეილიმ ინსტაგრამზე ერთმანეთიც გამოიწერეს და ფანებს კიდევ ერთხელ უჩვენეს, რომ ერთმანეთს არ ემტერებიან და ინტერნეტში გაჩაღებული ომიც დროა, დასრულდეს.

ამავე თემაზე:

"სიძულვილი და ბულინგი არავინ უნდა გამოცადოს" — სელენა გომესი ჰეილი ბიბერზე

დრამა არ სრულდება — რა ხდება სელენა გომესს, კაილი ჯენერსა და ჰეილი ბიბერს შორის