საქართველოს ნაკრებმა მონღოლეთი ამხანაგურ შეხვედრაში 6:1 გაანადგურა და ნორვეგიასთან მატჩის წინ კარგი განწყობა შეიქმნა. მართალია, ბათუმში პირველი ტაიმი 1:1 დასრულდა, მაგრამ მეორე ნახევარში საქართველომ მოწინააღმდეგეს 5 უპასუხო გოლი გაუტანა.

გაიბრწყინა გიორგი ჩაკვეტაძემ. ნაკრების ათიანის სოლორეიდს მოჰყვა დავით ვოლკოვის გოლი, რომელმაც გიორგის დარტყმას დაამატა. მონღოლებმა ერთ ეპიზოდში ჩვენი ფეხბურთელების შეცდომების კასკადით ისარგებლეს და ანგარიში გაათანაბრეს.

ფოტო: საქართველოს ბანკი / facebook

მეორე ტაიმში ჩაკვეტაძემ პენალტი ვერ გამოიყენა, მაგრამ ამას ორი მშვენიერი გოლი მოაყოლა. შემდეგ კი თავი საბა ლობჟანიძემ, გიორგი ბერიძემ და ბუდუ ზივზივაძემ გამოიჩინეს. ბერიძისთვის ეს ძირითად ნაკრებში სადებიუტო გოლი გახლდათ.

ვილი სანიოლმა ხვიჩა კვარაცხელია და გურამ კაშია არ დატვირთა. დაისვენა გიორგი მიქაუტაძემაც და არც გორგი მამარდაშვილს უთამაშია. კარში პირველ ტაიმში გიორგი ლორია იდგა, მეორეში კი ლუკა გუგეშაშვილი.

ევრო 2024-წლის შესარჩევ ეტაპს საქართველოს ნაკრები 28 მარტს ნორვეგიასთან მატჩით გახსნის, რომელიც ასევე ბათუმში გაიმართება და 20:00 საათზე დაიწყება.

საქართველოს ბანკი ეროვნული ნაკრების მთავარი სპონსორია