ცოტა ხნის წინ რობი უილიამსმა ბუდაპეშტში კონცერტი გამართა და ტრადიციისამებრ, სცენაზე ერთი გულშემატკივარი აიყვანა. როგორც მოგვიანებით გაირკვა, გულშემატკივარი, რომელიც მომღერალმა ხალხში გამოარჩია, სწორედ ის ადამიანი აღმოჩნდა, რომელიც 20 წლის წინაც უილიამსმა სცენაზე აიყვანა.

"ეს ორი დღის წინ მოხდა ბუდაპეშტში. მაყურებლებისგან ის ადამიანი შევარჩიე, რომელიც სცენის წინ იდგა. საოცარია, რომ ეს იგივე ბიჭი აღმოჩნდა, რომელიც 20 წლის ბუდაპეშტის კონცერტზე სხვებისგან გამოვარჩიე. რა არის ამის შანსი? 174 240 000-დან ერთი", — განაცხადა რობი უილიამსმა.

იმის დასტურად, რომ ასეთი დამთხვევა მართლაც მოხდა, რობი უილიამსმა ფანთან ერთად გადაღებული 2 ფოტოც გამოაქვეყნა, რომელთა შორისაც შუალედი 20 წელია. "სასიამოვნოა ისევ შენი ნახვა, სიყვარულით რობი", — ვკითხულობთ ფოტოს აღწერაში.

იმის მიუხედავად, რომ ასეთი დამთხვევის დაჯერება რთულია, მომღერალმა თავის გულშემატკივრებს ამ ამბის დასტურად ფოტოები გაუზიარა. უილიამსის პოსტზე კომენტარები ისევ არ წყდება და მომღერლის ერთგულ ფანს სოციალური ქსელების მომხმარებლები კომენტარებში უწერენ, რომ ის მართლაც იღბლიანი ადამიანია.