ამის შესახებ ინფორმაციას საერთაშორისო მედიები ბრიტანეთის მთავრობაზე დაყრდნობით ავრცელებენ.

რატომ არის მნიშვნელოვანი: ფინანსური დახმარება მოიცავს დამატებით 10 მილიონ ფუნტს მოლდოვაში ეკონომიკური და მმართველობის რეფორმების მხარდასაჭერად, ასევე მომავალი წლის არჩევნების უსაფრთხოების გასაძლიერებლად საქართველოში.

  • დახმარების შესახებ ბრიტანეთის საგარეო საქმეთა მინისტრის ჯეიმს კლევერლი გამოაცხადებს, რომელიც 16-17 მარტს მოლდოვასა და საქართველოს ეწვევა.

დეტალები: ბრიტანეთის მთავრობაში ამბობენ, საქართველოსა და მოლდოვას გარდა, ცოტაა ისეთი საზოგადოება, რომლებსაც ესმით რუსეთის მავნე მოქმედების ფარული ტაქტიკა.

  • "ჩვენ უნდა გავაძლიეროთ მათი გამძლეობა რუსეთის ჰიბრიდული საფრთხეების მიმართ, დავიცვათ მათი ხალხის დემოკრატიული არჩევანი და დავიცვათ ისინი კარის ზღურბლზე არსებული საფრთხისგან", — განაცხადა ბრიტანეთის საგარეო საქმეთა მინისტრმა.