ამის შესახებ თამარა წულეისკირმა სოციალურ ქსელში დაწერა.

რატომ არის მნიშვნელოვანი: ქართული ოცნების დეპუტატი, ლევან კობიაშვილი ერთ-ერთია, ვინც მხარს უჭერდა რუსულ კანონს, რომლის ჩაგდებაც მმართველ პარტიას მზარდი საზოგადოებრივი პროტესტის შემდეგ მოუწია.

  • თამარა წულეისკირი კი ნატოსა და ევროკავშირის შესახებ საინფორმაციო ცენტრის დირექტორია.

დეტალები: წულეისკირის თქმით, არაფერი აქვს სასაუბრო იმ "თანადედამიწელებთან", რომლებიც მის ქმარს მოღალატედ მიიჩნევენ.

  • "ჩემთვის ყველაფერი მისაღები და მეტიც, მისასალმებელია! ყველაფერი! გარდა ერთისა — ყველამ, ვისაც არა თუ დაგიწერიათ სიტყვა მოღალატე და ჩემი ქმრის სახელი ერთად, არამედ, თუნდაც, გიფიქრიათ ამ ორი სიტყვის შესახებ ერთ კონტექსტში, უმორჩილესად გთხოვთ, თავად, უკანმოუხედავად დატოვოთ ჩემი friend-ების სია სოც. ქსელებში და ასევე, ნაცნობის სტატუსი ფიზიკურ ფორმატში", — დაწერა მან.