ამის შესახებ უწყება განცხადებას ავრცელებს.

რატომ არის მნიშვნელოვანი: გუშინ, 7 მარტს, პარლამენტმა დაუგეგმავად განიხილა და პირველი მოსმენით მხარი დაუჭირა რუსულ კანონპროექტს — გასაპროტესტებლად მოქალაქეებმა პარლამენტთან დაიწყეს შეკრება.

  • ხელისუფლებამ აქციის მონაწილეთა წინააღმდეგ რამდენიმე სპეციალური საშუალება გამოიყენა, მათ შორის, ცრემლსადენი გაზი, წიწაკის სპრეი, წყლის ჭავლი.
  • შსს-ს განცხადებით, დაკავებულია 66 მოქალაქე — ორგანიზაციებისთვის კი ამ დროისთვის მხოლოდ 42 პირის ვინაობაა ცნობილი.
  • NGO-ების შეფასებით, მშვიდობიანი სამოქალაქო პროტესტის წინააღმდეგ პოლიციამ უკანონო და არაპროპორციული ძალა გამოიყენა.

დეტალები: უწყების განცხადებით, პარლამენტის მიმდებარე ტერიტორიაზე გამართული საპროტესტო აქციის დროს პოლიციელებზე განხორციელებულ თავდასხმის ფაქტზე, საქართველოს სისხლის სამართლის კოდექსის 353-ე პრიმა მუხლით ერთი პირი დააკავეს.

  • დანაშაული 4-დან 7 წლამდე ვადით თავისუფლების აღკვეთას ითვალისწინებს.
  • განმარტავენ, რომ გრძელდება იმ პირთა იდენტიფიცირება დაკავების მიზნით, საპროტესტო აქციაზე განახორციელეს პოლიციელებზე თავდასხმა და სხვა ძალადობრივი ქმედებები.