აქციაზე დაშავებული: მშვიდობიანად ვაპროტესტებდი, მესროლეს რეზინის ტყვია, მომხვდა სახეში

8 Mar. 2023, 17:17

მშვიდობიანად ვაპროტესტებდი, სიტყვისა და აზრის გამოხატვის ფარგლებში, სპეცრაზმელებმა თავდაპირველად გამოიყენეს წიწაკის სპრეი, მხუთავი აირი, ცრელმსადენი გაზი და ბოლოს გამოიყენეს რეზინის ტყვიები.

პირველად ჩემ წინააღმდეგ იქნა გამოყენებული რეზინის ტყვია, რომელიც მომხვდა სახის არეში, ზედა ტუჩზე და ჩაგლეჯილი მაქვს, ფაქტობრივად, მძიმე დაზიანება მაქვს. შოკურ მდგომარეობაში ვიყავი და ძირს ვვარდებოდი, თუმცა, იქ მყოფები დამეხმარნენ, მეგობრები და სასწრაფო დახმარების მანქანამდე მიმიყვანეს და შემდეგ უკვე სასწრაფოდ გადამიყვანეს კლინიკაში. მინდა მათ და ექიმებს მადლობა გადავუხადო მათ და ექიმებს.

[...] მე ლაივიც მქონდა ჩართული, ვისაც უნდა, შეუძლია ნახოს. სპეცრაზმელებისგან ზურგით დავდექი დაახლოებით 10 წამი, შემდეგ ზუსტად მათკენ გავიხედე და როგორც კი გავიხედე, მაშინვე მომარტყეს, ზუსტად იმ მიმართულებიდან. 99% ვიცი, რომ დამიმიზნა სახეში და მესროლა რეზინის ტყვია. ისეთი მწარე იყო, რომ უცებ მეგონა, თავის მეორე მხარეს გაიარა ამ ტყვიამ. ასევე, მეგონა, რომ კბილები ჩამტვრეული მქონდა, საერთოდ პირის ღრუ თუ მქონდა, ვერ ვგრძნობდი. საშინელი შეგრძნება იყო, არ ვუსურვებ არავის.

[...] ჩიტაძის ქუჩაზე ვიყავი, ტყვია როცა გამარტყეს. 15 მეტრიდან მესროლეს რეზინის ტყვია. განა, შორს ვიდექი. სადაც დროშა იყო გაშლილი, მეც ხელში დროშა მეჭირა, 15 მეტრიდან გამარტყეს ტყვია. სასწრაფო დახმარების რუსთაველის გამზირზე და იქამდე მიმიყვანეს იქვე მყოფებმა. იქვე ვერ ხერხდებოდა პირველადი დახმარება, თუმცა, არც მახსოვს, შეიძლება რაღაც ნემსი გამიკეთეს, ან რაღაც წამალი დამალევინეს, თუმცა მაშინვე გადაწყვიტეს, რომ ქირურგიული ჩარევა იყო საჭირო და გადამიყვანეს კლინიკაში.

ბოლო ამბები: