გოჩა ჯავახიშვილმა, სავარაუდოდ, ფეისბუქპოსტი წაშალა.

რატომ არის მნიშვნელოვანი: ჯავახიშვილი პოსტით, სავარაუდოდ, რუსული კანონს ეხმაურებოდა, რომელსაც გუშინ, 7 მარტს პარლამენტმა, ოპოზიციის, სამოქალაქო სექტორისა და უცხოელი პარტნიორების კრიტიკის მიუხედავად, პირველი მოსმენით, 76 ხმით დაუჭირა მხარი.

  • გუშინდელ აქციაზე, სადაც მოქალაქეები პლენარული სხდომაზე რუსული კანონის დაუგეგმავ განხილვასა და მიღებას აპროტესტებდნენ, არაერთი ადამიანის დაშავდა.
  • პოლიციამ მომიტინგეები წიწაკის სპრეით, წყლის ჭავლითა და ცრემლსადენი გაზით დაშალა.

დეტალები: ელჩი ევროპულ ღირებულებებზე და ამ ღირებულებების ერთგულების მნიშვნელობაზე საუბრობდა.

  • წერდა, რომ საქართველო, რომელსაც ემსახურება, არც მხოლოდ მთავრობაა და არც მხოლოდ ოპოზიცია არაა.
  • საუბარი იყო იმაზე, რომ მხოლოდ ხალხი, ისტორია და კულტურა განსაზღვრავს ისეთ ფუნდამენტურ მისიას, როგორიც მისი სულიერი და კულტურული იდენტობა.

  • "ჩვენ წინაპართა ნება და ანდერძია ჩვენი სამშობლოს ევროპული მომავალი წარსულისა და მომავლის გააზრებით საქართველო ერთგული იქნება ევროპული გეზის".

  • "მე ამ გეზს ვემსახურები ჩემი მოკრძალებული საქმით. ეს არის ჩემი მრწამსიცა და მოქალაქის პოზიციაც. ეს მისია მაქვს განსაზღვრული და ვემსახურები საქართველოს ევროპულ საქმეს. სხვა არც გეზი მესმის და არც საქმე", — წერდა ის.