ფინანსთა სამინისტროს შემოსავლების სამსახურმა 299,12 გრამი არადეკლარირებული ოქრო ამოიღო. სადახლო-საავტომობილო საბაჟო გამშვებ პუნქტზე აღმოჩენილი ოქროს ღირებულება 23 480 ლარია. ნივთები უწყების თანამშრომლებმა 7 - 11 ივნისის პერიოდში ამოიღეს, ინფორმაცია კი, 13 ივნისს გაავრცელეს.

უწყებაში აღნიშნავენ, რომ ოქროს ნივთების საბაჟო ღირებულება 6 414 ლარი იყო და "საქართველოს საგადასახადო კოდექსის" 289-ე მუხლის მეათე ნაწილის შესაბამისად ნივთის შემომტანს, ჯარიმის სახით, ზუსტად ამდენივეს გადახდა დაეკისრა.