აბაშიძე რუსულ კანონზე: მიმართულია მშიერი ბავშვის კიდევ უფრო დასამშევად

2 Mar. 2023, 18:04

ამ უპასუხისმგებლო პოლიტიკოსებისგან განსხვავებით, ჩვენ მას მერე, რაც ვთქვით, რომ ვართ სამოქალაქო სექტორის წარმომადგენლები, ვიკისრეთ ვალდებულება, რომ იმ ადამიანებს მხოლოდ სასამართლო დარბაზებში კი არ დავიცავთ, ამათგანაც დავიცავთ ყველგან. ამიტომ ვარ აქ.

ახლა დღეს ამ რუსული, ანუ ანტიქართული კანონით, აზიანებენ ყველა ბავშვს, ვინც ოდესმე დამიცვია ან აწი დასჭირდება დაცვა, აზიანებენ ყველა შშმ ადამიანს, ბავშვს, ქალს, კაცს. აზიანებენ ძალადობაგამოვლილ ადამიანებს, რადგან ეს პრობლემები ადამიანის უფლების თვალსაზრისით, ადამიანებს უჩნდებათ იმიტომ, რომ ესენი მუშაობენ ცუდად. და ვინ უნდა დაეხმაროს ამ ადამიანებს, თუ არა ჩვენ, რომელსაც სამოქალაქო სექტორს, ჯამში, გვეძახიან. ამიტომ ეს კანონი ცდილობს, გაგვაქროს ჩვენ, რადგან ის მსხვერპლი დარჩეს მოძალადესთან მარტო. ამის საშუალებას არ მივცემთ. [...]

ამ კანონის უკან წაღება მოუწევთ. ვერ იქნება ვერცერთი კანონი სწორი და ქართული, რომელიც მიმართულია მშიერი ბავშვის კიდევ უფრო დასამშევად, აი, ეს არის ეს კანონი. ამის შემდეგ ვერცერთი ადამიანი ვერ ნახავს უფასო სერვისს, ეს იქნება საადვოკატო, ფსიქოლოგიური, ფსიქიატრიული, თერაპიული, ლოგოპედიური... ყველა ეს სერვისი დღეს უფასოდ არის ქართველი ხალხისთვის, ამაში ჩვენ გვეხმარება სხვა ქვეყანა, რომ ჩვენს მოქალაქეს მივცეთ. ამის გაქრობა უნდათ.

ბოლო ამბები: