აბაშიძე: არცერთი პოლიტიკური პარტია არ გამოხატავს ჩემს გემოვნებას, ინტერესსა და შინაარსს

25 Oct. 2022, 16:27

სამი საათის განმავლობაში იყო არაერთი მწვავე შეკითხვა, მათ შორის, ჩემს შეფასებებთან დაკავშირებით, ერთადერთ კონტექსტში, დეპუტატებს აინტერესებდათ ეკვლიათ, მქონდა თუ არა განცდა მიუკერძოებლობის, როგორც კანდიდატს, და შემეძლებოდა თუ არა, სავარაუდოდ, ჩემი არჩევის შემთხვევაში მემუშავა ყველასთან, მიკერძოების გარეშე — ეს იქნება პოლიტიკური მიკერძოება.

საბოლოო ჯამში, რა თქმა უნდა, ცალსახად ვიმეორებ, მიუხედავად იმისა, ვისზეც რა მითქვამს ოდესმე, ეს არის სიტყვის თავისუფლება მოქალაქის პოზიციიდან და არა როგორც კანდიდატის ან სხვა თანამდებობის პირის პოზიციიდან, ეს არ არის მიუკერძოებლობის მტერი, სხვა შემთხვევაში გამოხატვის თავისუფლება თავად იქნებოდა მიკერძოებული იმ თავითვე. ადამიანები ბრაზდებიან, იმიტომ, რომ ჩვენს ქვეყანას აქვს ისტორიები, როდესაც გარკვეულმა შეცდომებმა, თუ არასწორმა პოლიტიკამ ადამიანების სიცოცხლე შეიწირა და რეალურად, ამაზე რეაგირება მოქალაქეს აქვს უკიდურესად მკაცრი. შესაძლოა, არაეთიკური, მაგრამ მკაცრი, რაც გამოხატავს ჩვენს დამოკიდებულებას მათ მიმართ, ვინც პასუხისმგებლები გვგონია. მე ასეთი მკაცრი და კიდევ უფრო მეტად მკაცრი აზრები გამომითქვამს წინა ხელისუფლების დროსაც, ახლაც და როგორც მოქალაქე, ყოველთვის გამოვთქვამ და თვითშეზღუდვას არ დავიწესებ, როდესაც ვფიქრობ, რომ რაღაც კრიტიკულად მნიშვნელოვანი ხდება, როდესაც ადამიანს შეიძლება სისხლის ფასად დაუჯდეს. თუ მეკითხებით, ეს არის თუ არა მიუკერძოებლობა, მიკერძოებული ამის გამო მე არ ვარ.

[...] პირდაპირ გეტყვით, რომ არცერთი პოლიტიკური პარტია არ გამოხატავს არც ჩემს გემოვნებას, არც ინტერესს, არც შინაარსს, ამიტომ თანაბრად არ მაინტერესებს არცერთი პოლიტიკური პარტია, როგორც ასეთი, მაგრამ განსაკუთრებულად მაინტერესებს ქართული ოცნება, იმიტომ, რომ ის არის მმართველი გუნდი და მხოლოდ ამ მიზეზით.

ბოლო ამბები:

ანა აბაშიძე აბაშიძე: არცერთი პოლიტიკური პარტია არ გამოხატავს ჩემს გემოვნებას, ინტერესსა და შინაარსს

კომენტარები

კვირის ტოპ-5

გირჩევთ

ახლა კითხულობენ

ასტრონავტების "სამედიცინო ევაკუაციამ" წარმატებით ჩაიარა — ისინი უკვე დედამიწაზე არიან