როგორც იქნა გაზაფხულდა და სამყაროსთან და ბუნებასთან ერთად, ადამიანებიც ვიწყებთ გამოცოცხლებას. სიახლის სასიამოვნო შეგრძნება გვაქვს ყველას. ალბათ ამიტომაც, შემთხვევითი არაა, რომ განახლებისა და სიცოცხლის საწყისის — გაზაფხულის პირველი თვე, სიმბოლურად, ქალების თვეა.

3 მარტს საქართველოში — დედების დღე, 8 მარტს კი მსოფლიოს არაერთ ქვეყანაში, ქალების საერთაშორისო დღე აღინიშნება. ამ დღეს ამერიკასა და ევროპაში, მე-20 საუკუნის დასაწყისში დაუდეს დასაბამი. მალე, ტრადიცია ერთდღიან აღნიშვნას გასცდა და მთელი თვე ქალების მხარდაჭერას დაეთმო. ასე იქცა მარტი ქალთა ისტორიის თვედ. იმ ისტორიის, რომელიც სხვადასხვა მიზნისა და უსაზღვრო შესაძლებლობების ქალებმა შექმნეს და ახლაც ქმნიან.

წელიწადის ამ დროს ქალები, განურჩევლად ეთნიკური, სოციალური თუ მსოფლმხედველობრივი განსხვავებებისა, საკუთარ მიღწევებს აღნიშნავენ. მიზანი კი წარსულსა და თანამედროვე საზოგადოებაში, სხვადასხვა მიმართულებით, ქალების როლის წარმოჩენაა.

ამიტომ, ბუნებრივია, რომ მარტის თვეს Veli.store-იც სწორედ ქალების მხარდაჭერას უთმობს.

მოახლოებულ დღესასწაულებთან ერთად, ალბათ, ბევრი თქვენგანი საჩუქარზე ფიქრობთ — მეორე ნახევრისთვის, დედისთვის, ოჯახის წევრისთვის, თანამშრომლებისთვის.

იდეა ბევრია. თუმცა, არსებობს ერთი უნივერსალური საჩუქარი, რომელიც ყველა ასაკისა თუ პროფესიის ქალისთვის, ერთნაირად საჭირო და სასიამოვნოა — დრო.

ცხოვრების აჩქარებულ ტემპში და იმ საზოგადოებაში, რომელიც დღეს ძალიან კონკურენტულია, ადამიანებს ხშირად გვიჭრის საკუთარი თავისთვის დროის გამოყოფა, განსაკუთრებით იმ შემთხვევაში, თუკი საგარეო და საშინაო საქმიანობები ქალის თანაბარი პასუხისმგებლობაა.

იმის პარალელურად, რომ თანამედროვე სამყაროში ქალებმა, დედის, მეუღლისა და დიასახლისის გარდა, ნელ-ნელა ახალი ფუნქციები და როლები შეიძინეს, კიდევ უფრო მნიშვნელოვანი გახდა იმის გააზრება, თუ რას ნიშნავს იყო კარგი დედა, მეორე ნახევარი, მეგობარი, თანამშრომელი, მოქალაქე… თუმცა, ცხოვრების სხვადასხვა ეტაპზე შეცვლილ პასუხისმგებლობებთან, პრიორიტეტებთან და მიზნებთან ერთად, მნიშვნელოვანია არასოდეს დაივიწყოთ ის პატარა დეტალები, რაც სიამოვნებას განიჭებთ, ის ოცნებები, რაც ჩაფიქრებული გაქვთ. თქვენი სურვილები და გადაწყვეტები ყოველთვის ღირებულია — ცხოვრების ნებისმიერ ეტაპზე და რეალობაში. ამის გააზრებისთვის კი მნიშვნელოვანია გრძნობდეთ მხარდაჭერას და გქონდეთ დრო და სივრცე, სადაც საკუთარ თავს პერიოდულად მიუბრუნდებით.

ტერმინი me time — დრო საკუთარი თავისთვის — ხშირად დანაშაულის შეგრძნებას იწვევს. ეს შეგრძნება საყოველთაოა და თანამედროვე ადამიანისთვის მასში არაფერია განსაკუთრებული. თუმცა, მნიშვნელოვანია იმის გააზრება, რომ სწორედ ამ დროის ჩვენთვის გამოყენება გვაქცევს მისაბაძ მშობლად, თვითკმარ და მხარდამჭერ მეორე ნახევრად, გუნდის მამოტივირებელ და ენერგიულ წევრად.

საკუთარ თავთან კომფორტულად ყოფნის დროის პატარა მონაკვეთიც კი, გვაძლევს თავისუფლებას და შესაძლებლობას, რომ გავიაზროთ წარსული გამოცდილებები და აღმოვაჩინოთ ახალი მისწრაფებები. დავფიქრდეთ — რაღაც ახლის ცდა ხომ არ გვინდა, რაღაც ახალი ხომ არ გვაინტერესებს? სწორედ დაფიქრებას მივყავართ პატარ-პატარა აღმოჩენებამდე.

Me time სულაც არ ნიშნავს მასშტაბურ ცვლილებას ან მიზანს, რომელიც დიდ ძალისხმევას მოითხოვს. პირიქით. ეს, დღის განმავლობაში დროის მცირე მონაკვეთის პოვნაა, რომელსაც ისეთ პატარა, მაგრამ სასიამოვნო გამოცდილებებს უთმობ, როგორიცაა საინტერესო წიგნის კითხვა, ახალი რეცეპტით კერძის მომზადების მცდელობა, იოგას 15 წუთი, დღიურში გულწრფელი ჩანაწერები, ან თუნდაც სააბაზანოში თავის მოვლის რამდენიმე წუთიანი რუტინა.

სწორედ ამ პატარ-პატარა, მაგრამ მნიშვნელოვანი სურვილების ასრულებაში დაგეხმარება ველი. ვირტუალურ სივრცეში ქალები იპოვით ყველაფერს, რაც ყოველდღიური სიამოვნებისთვის და ერთი რიგითი დღის გახალისებისთვის გჭირდებათ. რაც მთავარია, ამ მატერიალურ ნივთებთან ერთად, ველი არამატერიალურ, მაგრამ ყველაზე ძვირფასს — დროს გჩუქნით იმისთვის, რომ მარტივად — სახლიდან გასვლის, დროისა და ენერგიის დახარჯვის გარეშე აისრულოთ სურვილები. დაზოგილი დრო კი თქვენს თავს მოახმაროთ.

მთელი მარტის განმავლობაში მომხმარებელს ველის ყველა კატეგორიაში სპეციალური, 50%-მდე ფასდაკლება დახვდება. საჩუქრების კატეგორია კი განსაკუთრებული დღეებისთვის იდეალური ნივთის შერჩევას გაგიადვილებს.

მოდით, ეს იყოს თვე, როდესაც დანაშაულის შეგრძნებისა და ყოველგვარი "მაგრამ" და "რა მოხდება"-ს გარეშე, თქვენს დროს თქვენთვის დახარჯავთ.

ეს ყველაფერი უბრალო სიტყვები და მოწოდება რომ არ იყოს, ველი საკომუნიკაციო არხებს, მთელი თვის განმავლობაში, სხვადასხვა პროფესიის, როლის, ისტორიისა თუ მიზნების ქალებს დაუთმობს, რომლებიც საკუთარი პირადი, ოჯახური თუ საქმიანი ცხოვრების საინტერესო გამოცდილებებს გაგვიზიარებენ და იმასაც მოგვიყვებიან — დატვირთული ცხოვრების პარალელურად, როგორ ხარჯავენ დროს. ვიღაცისთვის ეს ისტორიები საინტერესოდ მოსასმენი ამბავი შეიძლება იყოს, ბევრისთვის კი მოტივაციის მიმცემი მაგალითი. იმის მაგალითი, რომ შესვენება, ამოსუნთქვა, საკუთარი თავის ხელახალი აღმოჩენა და საკუთარი თავისთვის დახარჯული დრო, სულაც არაა დანაშაული.

ყველა ეს ისტორია და ამ ისტორიის მთავარი მოქმედი გმირები, აგრძელებენ და ქმნიან ამბავს და ტრადიციას, რომელიც 1 საუკუნის წინ, ერთმანეთის თანადგომის მიზნით დაიწყო. ამბავი, რომელიც დგას ერთმანეთისა და საზოგადოების მხრიდან მხარდაჭერაზე, თანასწორობაზე, ერთმანეთის მიღწევების, მიზნებისა და ოცნებების აღიარებასა და პატივისცემაზე, საკუთარი თავისთვის და სხვებისთვის შესაძლებლობების შექმნაზე.

ახლა შენი დროა გააგრძელო ეს ისტორია და დაფიქრდე — რა არის დიდი თუ პატარა, მაგრამ შენთვის მნიშვნელოვანი ამბავი და სათქმელი, რომელიც გინდა რომ სხვა ქალებსაც გაუზიარო.