ამის შესახებ უკრაინის პრეზიდენტის ეკონომიკურმა მრჩეველმა, ალექსანდრე როდნიანსკიმ CNN-თან ისაუბრა.

რატომ არის მნიშვნელოვანი: რუსები ბახმუტის ასაღებად თვეების განმავლობაში თავგამოდებით იბრძვიან.

  • უკრაინის პრეზიდენტის განცხადებით, რუსეთს ბახმუტში დიდი ადამიანური დანაკარგი აქვთ, მაგრამ მიუხედავად ამისა, ყველა ფასად ცდილობენ ტერიტორიის დაკავებას, ხოლო უკრაინა აპირებს იქამდე იბრძოლოს, სანამ ამ ბრძოლას აზრი ექნება.
  • ბახმუტის დასავლეთით ტერიტორია გამაგრებულია, ამიტომ უკრაინის შეიარაღებული ძალების ქალაქიდან უკან დახევის შემთხვევაშიც კი, რუსული ძალები წინსვლას სწრაფად ვერ შეძლებენ.

დეტალები: ზელენსკის მრჩეველმა განაცხადა, რომ უკრაინელ სამხედროებს შეუძლიათ "სტრატეგიული უკანდახევა" ბახმუტიდან დონეცკის ოლქში, რომლისთვისაც ბრძოლა თვეების განმავლობაში მიმდინარეობდა.

  • "რუსეთი ახლა ცდილობს ბახმუტს გარშემორტყმას და ამისთვის ვაგნერის ქვედანაყოფებს იყენებს, როგორც ჩანს, ყველაზე გაწვრთნილ და ყველაზე გამოცდილ ჯგუფს. საჭიროების შემთხვევაში, ჩვენი სამხედროები სტრატეგიულად დაიხევენ უკან, რადგან ჩვენ არ ვაპირებთ მთელი ჩვენი ხალხის ასე მსხვერპლად გაღებას", — თქვა როდნიანსკიმ.
  • მისი თქმით, უკანდახევის გადაწყვეტილებას თავად უკრაინელი სამხედროები მიიღებენ.
  • უკრაინის თავდაცვის მინისტრის მოადგილემ 28 თებერვალს განაცხადა, რომ ბახმუტში უკრაინის არმიის დამატებითი ნაწილები გაგზავნეს, რადგან ქალაქის შენარჩუნების გადაწყვეტილება სამხედროებმა მიიღეს, "რომლებიც არ ხელმძღვანელობენ პოლიტიკური მოტივებით".