ინგლისურმა სეტერმა, რომლის ენის სიგრძეც 9.49 სმ-ია, გინესის რეკორდი დაამყარა. 3 წლის ცუგა ყველაზე გრძელი ენის მქონე ცოცხალი ძაღლია.

რეკორდსმენი ცუგა, სახელად ბისბი, არიზონაში ცხოვრობს და თავისუფალ დროს სხვადასხვა ჰობს უთმობს. ბისბის პატრონის თქმით, ცუგას განსაკუთრებით ცურვა და სეირნობა უყვარს.

ფოტო: Getty Images

ჯეი და ერიკა ჯონსონებმა ბისბი ლეკვობიდან გაზარდეს. "ბისბის ფოტო ჩემს დასა და მამაჩემს გავუგზავნე, ერთ-ერთმა კი აღნიშნა, რომ ბისბი რეკორდსმენი შეიძლება ყოფილიყო", — განაცხადა ერიკამ. "როცა ბისბი ვარჯიშობს, ენას გარეთ ყოფს ხოლმე და ჩემმა ცოლმაც აღნიშნა, რომ ის ძალიან გრძელია", — დასძინა ჯეიმ.

ფოტო: Getty Image

ბისბი მას შემდეგ გახდა გინესის რეკორდსმენი, რაც სენბერნარი, სახელად მოჩი, გარდაიცვალა. მოჩი გინესის რეკორდსმენის ტიტულს 5 წლის განმავლობაში იკავებდა და მისი ენის სიგრძე 18.58 სმ იყო.