დეგნანი "უცხოურ გავლენაზე" კანონპროექტზე: მისი მიზანია, გააჩუმოს განსხვავებული აზრი

24 Feb. 2023, 15:00

ეს კანონი ნამდვილად არ არის გამჭვირვალობის შესახებ, რადგან საქართველოში მოქმედ დონორებს აქვთ ანგარიშგების ძალიან დეტალური სისტემა. მაგალითად, USAID-ის მაგალითზე, ყოველი სამი თვის განმავლობაში დეტალური ანგარიში წარედგინება პარლამენტს, შემდგომ პარტნიორებიც, ასევე, დეტალურ ანგარიშს, ფინანსურს თუ სხვაგვარს, წარუდგენენ საგადასახადო ორგანოს. შესაბამისად, გამჭვირვალობის კუთხით ნამდვილად არ არის პრობლემა. ეს ინფორმაცია ხელმისაწვდომია სხვადასხვა წყაროს მეშვეობით, სხვადასხვა ვებსაიტზე.

რაც შეეხება ამერიკულ კანონმდებლობას, ის კანონი, რაც ამერიკაში მოქმედებს, ეხება ლობისტებსა და იურიდიულ ფირმებს, რომლებიც წარმოადგენენ სხვა ქვეყნების ინტერესებს ამერიკაში. შესაბამისად, ეს არ არის ამერიკული კანონი და ეს არის რუსული კანონის ანალოგი, რომლის მიზანი მდგომარეობს იმაში, მოახდინოს სტიგმატიზაცია ამ ორგანიზაციების, გააჩუმოს განსხვავებული აზრი, შეხედულება და ხელი შეუშალოს ქართველებს, რომ დაეხმარონ საზოგადოების სხვა წევრებს.

მაგალითად, ეს კანონი ხელს შეუშლის, რომ გაგრძელდეს საზოგადოების დახმარებას იურიდიული კუთხით. ხელს შეუშლის, მაგალითად, დამოუკიდებელი ცხოვრების ცენტრებს, რომლებიც ეხმარებიან შშმ ადამიანებს. ხელს შეუშლის სამედიცინო კვლევას, რომელიც დონორების მხარდაჭერით ხორციელდება, შეუშლის ხელს ტურიზმს, ბიზნეს ასოციაციებს, ფერმერებს, სხვადასხვა არასამთავრობო ორგანიზაციებს, რომლებიც მუშაობენ კლიმატის ცვლილებებსა თუ სხვა საკითხებზე. სია ნამდვილად ძალიან გრძელია. საუბარია იმაზე, საჭიროა კი ეს კანონმდებლობა, როცა ყველაფერი ისედაც გამჭვირვალეა?

ბოლო ამბები:

კელი დეგნანი დეგნანი "უცხოურ გავლენაზე" კანონპროექტზე: მისი მიზანია, გააჩუმოს განსხვავებული აზრი

კომენტარები

კვირის ტოპ-5

გირჩევთ

ახლა კითხულობენ