საქართველოს პრეზიდენტმა, დღეს, ხელი მოაწერა განკარგულებას, რომლის თანახმად ევროპის საბჭოსთან საქართველოს მუდმივი წარმომადგენლის თანამდებობაზე, ირაკლი გივიაშვილი დაინიშნა. ამის შესახებ, პრეზიდენტის ადმინისტრაცია განცხადებას ავრცელებს.

დღეს, გიორგი მარგველაშვილმა მისიის ახლადდანიშნული ხელმძღვანელი პრეზიდენტის სასახლეში მიიღო.

როგორც ადმინისტრაცია წერს, შეხვედრისას ევროპის საბჭოში საქართველოს დღის წესრიგი განიხილეს. საუბარი შეეხო ჩვენი საქართველოს პოლიტიკის პრიორიტეტებსა და იმ ამოცანებს, რომელიც საქართველოს მუდმივმა წარმომადგენელმა ევროსაბჭოში უნდა განახორციელოს.

ირაკლი გივიაშვილი ახალ თანამდებობაზე მუშაობას 2017 წლის 8 ივლისიდან შეუდგება. იგი აქამდე, საგარეო საქმეთა სამინისტროში საგანგებო დავალებათა ელჩის თანამდებობას იკავებდა.