ინფორმაციას პროკურატურა ავრცელებს.

რატომ არის მნიშვნელოვანი: საქმე ეხება 5 პირს, რომლებიც "კანონიერ ქურდობაში", "ქურდული სამყაროს" წევრობასა და "ქურდული სამყაროს" მხარდაჭერაში არიან ბრალდებულები.

  • სამართალდამცავი უწყების ცნობით, ე.წ. კანონიერმა ქურდმა და "ქურდული სამყაროს" სამმა წევრმა "ქურდული სამყაროს" საქმიანობის მხარდამჭერი პირის მეშვეობით ორ დაზარალებულს არაერთხელ მოუწყვეს "ქურდული გარჩევა", კერძოდ, სთხოვდნენ თანხის უმოკლეს ვადაში გადაცემას, წინააღმდეგ შემთხვევაში კი, ძალადობით ემუქრებოდნენ.
  • ამავდროულად, "ქურდული გარჩევისას", "კანონიერმა ქურდმა" და "ქურდული სამყაროს" წევრმა ერთ-ერთ დაზარალებულს დასჯის მიზნით თვითდაზიანების მიყენება აიძულეს.

დეტალები: ე.წ. კანონიერ ქურდს — 10 წლით, ხოლო "ქურდული სამყაროს" სამ წევრს 8 წლით თავისუფლების აღკვეთა მიესაჯა.

  • რაც შეეხება კიდევ ერთ ბრალდებულს, ე.წ. ქურდული სამყაროს წევრს, სასამართლოს გადაწყვეტილებით, მისი ქმედება დაკვალიფიცირდა სსკ-ის 223-ე მუხლის მეორე ნაწილით ("ქურდული სამყაროს" საქმიანობის მხარდაჭერა) და 4 წლით პატიმრობა შეეფარდა.