კავკასიის კვლევითი რესურსების ცენტრის (CRRC Georgia) გამოკითხვის მიხედვით, საქართველოს მოქალაქეების დიდი ნაწილი (83%) არ ფიქრობს, რომ ფეხბურთი სპორტის ის სახეობაა, რომელშიც ქართველები ყველაზე წარმატებულები არიან. თუმცა, მოსახლეობის უმეტესობის აზრით, სახელმწიფომ სწორედ ფეხბურთზე უნდა დახარჯოს ყველაზე მეტი ფინანსური რესურსი, რაგბთან (27%), ჭიდაობასთან (25%), ან კალათბურთთან (5%) შედარებით.

ამასთან ერთად, გამოკითხვით დადგინდა, რომ საქართველოს მოსახლეობის მესამედი (38%) საყვარელ სპორტად სწორედ ფეხბურთს ასახელებს.

სპორტსმენებს შორის, ზაზა ფაჩულიას შემდეგ, მეორე, ყველაზე ხშირად დასახელებულია დავით ყიფიანი (20%), მესამე კი - კახა კალაძე (15%).

აღსანიშნია ის ფაქტიც, რომ გამოკითხული მოქალაქეების უმეტესობა (40%) ვაჟის ყოლის შემთხვევაში, მას ფეხბურთზე ატარებდა, რაც ჩვენს ქვეყანაში ფეხბურთისადმი არსებულ დიდი სიმპათიებს ხაზს კიდევ ერთხელ უსვამს.

გამოკითხვა ჩატარდა სატელეფონო პანელის გამოყენებით, 2017 წლის 29-30 მაისს. რესპონდენტები შერჩეულია შემთხვევითი ნომრების აკრეფის წესით. შერჩევის ზომა არის 726. მონაცემები საქართველოს მოსახლეობის წარმომადგენლობითია და ცდომილების ზღვარი საშუალოდ 2,9 პროცენტის ტოლია.