ამის შესახებ ლია ბაგრატიონი საკუთარ სოციალურ ქსელში წერს.

რატომ არის მნიშვნელოვანი: 4 თებერვალს, ეროვნულ გალერეაში, კულტურის ცენტრ ათინათის გამოფენის გახსნაზე, მხატვარმა სანდრო სულაბერიძემ საკუთარი ნამუშევარი ჩამოხსნა და მის ნაცვლად, კედელზე დატოვა წარწერა — "ხელოვნება ცოცხალი და დამოუკიდებელია".

  • ფაქტზე შსს-მ გამოძიება ქურდობის მუხლით დაიწყო, რასაც მალევე მოყვა საზოგადოებისა და სახელოვნებო სფეროს წარმომადგენლების პროტესტი.
  • პროტესტის შემდეგ, შშს-მ გამოძიება შეწყვიტა, რაც "დანაშაულის ნიშნების არარსებობით" ახსნა.

დეტალები: სანდრო სულაბერიძეს სოლიდარობა გამოუცხადა რამდენიმე ხელოვანმა და საკუთარი ნამუშევრების გალერეიდან გატანა მოითხოვეს.

  • ეროვნულმა მუზეუმმა კი გადაწყვიტა გამოფენა დაგეგმილზე ადრე, 2 მარტის ნაცვლად 20 თებერვალს დახუროს.
  • დაწერეს, რომ საგამოფენო სივრცემ, "ზოგიერთ ნაკლებად ცნობილ მხატვარს" პირველად მისცა შესაძლებლობა, "წარმოეჩინა თავისი ხელოვნება, რაც მანამდე არ გახლდათ მუზეუმის საგამოფენო პოლიტიკა".

ლია ბაგრატიონი წერს, რომ გამოფენა შედგა, როგორც ჩვენი დროის ავტოპორტრეტი.

  • "ყველაფერი საინტერესოა, რაც ნამდვილია. ეს გამოფენაც საინტერესოდ გააგრძელებდა ცხოვრებას, დროზე დაფუძნებული ნამუშევარი შეიქმნებოდა და 12 მარტამდე დავაკვირდებოდით, საბოლოოდ რა სახეს მიიღებდა";
  • "სამწუხაროდ, მუზეუმი არ გვაძლევს ამ პროცესზე დაკვირვების საშუალებას და 20 თებერვალს წყვეტს გამოფენას";
  • "რაც შემეხება მე, მუზეუმის ფრაზეოლოგიას გამოვიყენებ და ვიტყვი, რომ სხვა ნაკლებად ცნობილ მხატვრებთან ერთად მეც გამოვიტან ჩემ ნამუშევარს".

სულაბერიძის მხარდასაჭერად 12 თებერვალს აქცია გაიმართა.

  • მხარდასაჭერი აქციის შემდეგ, რომელსაც ათობით პოლიციელი იცავდა, პრეზიდენტმა, სალომე ზურაბიშვილმა დაწერა, რომ პოლიციის 20 მანქანა ცისფერი გალერეის უკანა ეზოში სხვა ეპოქას გვახსენებს და თანამედროვე საქართველოს არცხვენს.
  • "მხატვარი ესოდენ საფრთხეს უქმნიდეს სახელმწიფოს?" — კითხულობდა ის.
  • ზურაბიშვილის პოსტის შემდეგ უწყების გენერალური ინსპექცია პრეზიდენტის სასახლეში შევიდა და იქიდან ნახატები წამოიღო.